முத்தம் அன்பே சொல்லும் !

உன்னை முத்தமிட்டதாய் 

கவிதை எழுதுகிறேன் ,

கவிதையில் பொய் எழுதுவதை 

அப்போது மட்டும் 

நிறுத்தி வைக்கிறேன் .!

என் பொய்களை  ரசிக்கிற உலகம் 

ஏனோ உண்மையை படித்து 

முகம்  சுழிக்கிறது !

அப்போது தான் நினைத்தேன் :

பேசாமல் நமக்கு வயசு 

ஏழாகவோ , இல்லை எழுபதாகவோ  

இருந்திருக்கலாம் ! 

நம் முத்தத்தின் ஈரத்தில் கசிகிற 

அன்பை மட்டும் உலகம் கவனித்திருக்கும் ! 

சரி விடடி., 

முத்தத்திற்கு அர்த்தம் - " அன்பு " என்று சொல்பவனுக்கு 

மட்டும் நம் காதல் கண்டிப்பாய் புரியும் அழகி ...!

L o v e y o u  s o m u c h d i !