விதி எழுதிய பிரிவுக்கவிதையில் ,
சோகம் சுமந்த சுகங்கள்
நீயும் நானும் தான் அழகி !
சிரித்துக்கொண்டே
பிரிவை ஏற்றோம் !
பிரிவிற்கு முன் ஒரு நாள் ...
எனக்குத் திருமணமான பின்பு
கண்டிப்பாய் பெண் குழந்தை
தான் பிறக்க வேண்டும் !
அதற்கு "அழகி" என்று
உன் பெயரையே
வைத்து விடுகிறேன் அழகி
என்றேன்!
ஏதும் பேசாமல் வாயடைத்தவள்
போல் நீயோ சொன்னாய் ...
" நான் மட்டும் தான பிரபா
உன் அழகி ...!???? "
என்று...!!
சரிதான் மன்னித்து விடு!
உன்னை ஒருநிமிடம்
பிரியப் பார்த்தேன் !
பெண்களின் உறவிற்கு
எத்தனை பெயர் இருக்கிறதோ
அத்தனை பெயரும் எனக்கு
நீமட்டும்தான் அழகி..!!
