ஏவாளின் கவிதைகள்...

உன் கோபம் 
என்னை கிச்சுகிச்சு 
மூட்டி சிரிக்க வைக்கிற 
ஆகச் சிறந்த
புன்னகைக்கருவி !

உன் சினங்கள் சிதறும் 

பாவனைகளைப் 

பார்த்துவிட்டு 

நிமிர்ந்து நிலவைப் பார்த்தால் 

அதுவும் முகம் 

சிவந்து கிடக்கிறது !

எரிநட்சத்திரங்கள் :
-----------------------------
ஒரு நொடியில் 
நூறு நட்சத்திரங்களைப் 
பிடித்து என் நெஞ்சில் 
கோர்த்துவிட்டுப்போய்
எங்கோ தூரத்தில் 
அமர்ந்துகொண்டு 
வேடிக்கை பார்க்கிறாய்... 
அவை கவிதைகளாய் 
எரிந்து வீழ்வதை !

நான் யாரோ 
அது நான் அல்ல !
என் பிம்பம் 
எதுவோ 
என் உயிர் 
எதுவோ 
என் சுயம் 
எதுவோ 
அதில் எங்கும் 
ஊடுருவிக் கிடப்பது 

நீயும் உன் அன்பும் !
மற்றபடி
நான் யாரோ அது
நானல்ல !

என் 
இதயத்திலிருந்து 
தொண்டைக்குழியை 
எட்டிப் பிடித்து விரைந்து 
உதடுகளை முத்தமிட்டுத் 
தெறித்துக் கவிதையாய் வீழ்வதில் 
படுவேகம் காட்டும் 
வார்த்தைகள்.....
.
.
உன்னைப்பற்றியவை 
மட்டும் தான் !

எல்லாம் மாயை என்பது 
மெய்யாகவே 
இருந்துவிட்டுப் போகட்டும்..
எனக்கான நீ மட்டும் 
என்றும் நிஜமாக 
இருந்துவிடு..!
அவனியின் 
பேரதியசப் பூவே, அழகி...
நீ அன்பென்னும் 
உண்மையாய் 
என்னோடே இருந்திடு.. 
என்றென்றும் சிரித்திரு !

♥
ஒரு பனிப்பூவின் 
புன்னகையில் 
பிரபஞ்சமே 
உறைந்து போகும் !
பிரபஞ்சம் 
என்பது நான்..
பூ நீ !
♥
பிரபா

உன்னைக் 
காரணம்காட்டி
எழும் சிரிப்பும் 
கண்ணீரும் மட்டுமே 
மெய்யன்பின் 
ஆழத்தில்
வெகுவேகமாய் 
கொண்டு சேர்க்கிறது
என்னை !

பிரிவின் நாட்கள் 
நெருங்கும் போது 
பெருகிச் சிகரம் தொட்ட 
அன்பு 
அழுது அடம்பிடிக்கிறது...
தாயைப் பிரிந்திட்ட 
சேயைப்போல் !

உனக்கு நான் 
எப்போதும் 
தவழும் குழந்தை.. 
நான் நடக்கத் 
தொடங்குகையில் 
என் 

தடுமாற்றத்தை
குறைகூறாமல்
முன்னேற்றமென
தட்டிக்கொடுப்பாய் !
மன்னிக்கிற கடவுள் நீ !
உன்னைப் போன்ற
துணையைப் பெற்ற
எந்தக் குழந்தையும்
அன்பால் எழுந்து
அருமையாய் வெற்றிநடை
போடும் !

இத்தனை மைல்கள் 
கடந்து நான் 
இங்கிருந்து 
பேசும் போதே 
இப்படிக் குதித்துக் 
களிக்கிறாய் !

இங்கேயே இருந்து
இந்நொடியே உன்
கரம்பற்றிக்
கொஞ்சிப் பேசினால்
என் செய்வாயோ
என்றேன் !
நீ என்
கைகளைப் பிடித்துக்
கொண்டால்
பின் என்னைக்
கையிலேயே
பிடிக்க முடியாது போ
என்றாய் !
கவிதை கவிதை ! :)

மொழியற்ற
சப்தங்களும்
உன் உதட்டிலிருந்து
தெறித்து
வீழ்கையில்
செம்மொழி 
அந்தஸ்துப் 
பெற்றுவிடும் 
அழகி !

ஏவாளின்
அச்சசல் குரல்
உன்னுடயதைப் 
போலத்தான் 
இருந்திருக்கும் !
அதைக் கேட்டு 
மயங்கிய ஆதாம்
நானாகத் தான் 
இருந்திருப்பேன் !

●
நாளை 
என்பது
உன்னை
இன்னும் 
அழகாய்
அதிகமாய் 
நேசிக்கப்
பிறக்கும்
மற்றொரு 
நாளே !
●

எனக்கு நீ
பரிசளிக்கும்
பொருள்கள் 
எதுவாயிருப்பினும்
அதை வாங்கிக் 
கொள்ளத்
தயக்கம் தான் !
உன் பார்வையோ
உன் தீண்டலோ
உன் சிரிப்போ

உன் அணைப்போ
சொல்லாத எந்த
விஷயத்தை
பரிசுப் பொருள்கள்
சொல்லிவிடப்
போகிறது ?

# you , and your presence is a 

greatest gift I can Ever Get.

●
அன்னியோன்யத்தின் 
அழகுக் கோவில் 
நம் இதயம் , 
அதை சுமக்கும் 
கடவுள் நாம் !
●

●
உன் கண்மூடித் தனமான 
நம்பிக்கை தான் 
கடவுள் என்றால் 
கண்ணை மூடிக்கொண்டு 
என் கைகளைப் 

பிடித்துக்கொள்...
கடவுள் யாதென்று
குறிப்பால்
உணர்த்துகிறேன் !
●
பிரபாகரன் சேரவஞ்சி

மென்மையாய்
வந்து நிறைகிறாயோ
ஆர்ப்பாட்டமாய் 
ஆக்கிரமிக்கிறாயோ...
காற்றாய்
சூறாவளியாய்
எப்படி எனக்குள்
வந்தாலும் வா...
நீ காற்று !
நீ தீண்டி நான்

வாழ்ந்தால்த் தான்
உண்டு
வேறு வழியில்லை !

●
உயிர்தரும்
பெருங்காற்று நீ !
உன்னை இயற்கை
எப்படி எழுதித்
தூக்கி எறிகிறதோ
அப்படியே பிடித்து
சுவாசித்துக்
கொள்பவன் நான் !
●
Whatever you are, No worries, 

no regrets, 

no justifications, 

I Jus love you. Period.

இனம் புரியா சோகம் 
என் உயிரை அசைத்துப் 
பார்க்கையில் எல்லாம் 
எழுந்தமர்ந்து 
உன்னை அழைத்து 
தொண்டை ஈரம் 
வற்றும் வரை 
உன் அன்பைப் 
பற்றிப் பேசுவேன் !
ஹ்ம்ம்.... என் 

உயிர்செய்யும்
உதிரமெல்லாம்
உன் பெயர் கொண்ட
ஜீவநதி அழகி ..
எனக்குள் நீ
இருக்கும்வரை
நான் இருப்பேன் !
Good Night....

▸
நிலவே தானாய் 
விரும்பித் தன் 
கைப்படச் செய்த 
விரல்கள் உனக்கு !
▸
பிரபா

உன்னோடு 
சேர்ந்திருப்பது 
பொம்மைக்கரடிதான் 
என்றாலும் 
விட்டு வைக்காமல்
அதன்மீதும்

கோபப்பட்டுத்
தொலைக்கிறேன் !
அத்தனையும்
காதல் தான்...
அதைத் தவிர
வேறென்ன ?

அடித்துக்கொண்டே
அணைத்துக் 
கொள்கிறோம் ...
எரிமலை
அணைக்கும் 
குளிர்மழை நாம் !

● 
நீ சொட்டும் அன்பால் 
நிறைந்து கிடக்கும் 
கடல் நான் !

நீ சொட்டுவதை 

நிறுத்தினால்
பொங்கியெழுந்து
பூமியை விழுங்குவேன் !
பின் பூமியின்
உடம்பிலெல்லாம்
உன் அன்பாய்
ஒட்டிக்கொள்ளும் !
நிலம் யாவும்
நீயும் நானுமாய்
இருப்போம் !
நீயும் நானுமாய்
மட்டும் !
●
பிரபாகரன் சேரவஞ்சி

●

பூமிக்கான ஒட்டுமொத்த

நேசத்தையும் 

நீ கொடுத்து 

நெஞ்சில் 

வைத்திருக்கிறேன் !

என்றேனும் 

எவர்க்கேனும் 

கொடுக்க 

எத்தனித்தால் 

உன்னையும் என்னையும் 

பொய்யாக்கிப் 

பார்க்கிறது உலகம் !

நான் என்ன செய்ய ?

நீ கொடுத்ததை 

நீயே எடுத்துக்கொள்!

நானும் அன்பில்லா 

அற்ப மனிதனாகவே 

இருந்துவிட்டுப் 

போகிறேன் !

●

பிரபாகரன் சேரவஞ்சி

●
அன்றாடம் கோடி 
நட்சத்திரங்களை 
இதயத்தில் 
கோர்த்துவிட்ட 
காதல், 
ஓரிரவில் 
தீவைத்துப்
போனால் 
நட்சத்திரங்களோடு 

சேர்ந்து இதயமும்
எரிந்து போகிறது !
●

மழையில் நனை... காதல் வரட்டும்...

●

காற்றடைத்த

மெய்யில்

காதலுடை

நெஞ்சில்

துடிப்பெல்லாம் நீ

வாழ்வதெல்லாம் 

நான் !

●

●

அத்தனை நிமிட

அலைபேசி

உரையாடல்கள்

முடிந்ததும்

அனுப்பப்படும்

ஒரு "லவ் யூ" 

ஒரு பானைக்

காதலுக்கு

ஒரு சோறு

பதம்

என்பதைப் போல் !

That Cute-n-Short "Love you"

and "Mis you"

Speaks Everything.

●

●

இலக்கில்லா

பயணத்தில்

உன் பாதையை

தேர்ந்தெடுத்ததும்

என் இலக்கு

உன் சிரிப்பானது !

●

●

என் பயணத்தின்

எல்லா 

வழியிலும்

குறுக்கிட்டுச் 

செல்லும்

செல்ல மியாவ் நீ .. 

எனக்கான

தடங்கல்

இல்லை நீ ..

என் வழிகாட்டி !

●

♥

வெண்ணிலா 

கேக்கின் 

மேல் ஏறிய 

கருப்பு 

செர்ரிப்பழம் ! 

உன்

கன்னத்து 

மத்தியில் 

ஒற்றை 

மச்சம் !

♥

●

அடிக்கடி 

நிலா

பார்க்கச்

சொல்லிக்கொண்டே 

இருப்பாள் ...

சொன்னவளைப்

பார்த்துக் 

கொண்டே 

இருப்பேன் ...

நிலாவாவது 

கிலாவாவது

அதெல்லாம்

எனக்கு அவ்வளவு

இஷ்டமில்லை !

●

●

மழையும்

நீயும்

கைகோர்த்து ஆடிய

நடனத்தின்

முடிவில்

சகதியாய்க்

கிடந்த 

என்நெஞ்சிலும்

கவிதைப் 

பூக்களாய்ப் 

பூத்துக் கிடக்கிறது!

●

●

எவ்வளவு

சொன்னாலும்

கேட்காமல்

நம் கவிதையில்

நனைந்துகொண்டே 

இருக்கிறது

மழை!

●

●

நீ,

நான்,

மழை,

இரவு,

காதல்,

கவிதை,

எல்லாம்

சேர்ந்த

பொழுதில்

கடவுளை

உணர்கிறேன்!

●

●

மழைதரும்

ஒவ்வொரு

முத்தத்திற்கும்

சப்தமிட்டுக்

கத்திக்களிக்கிறது

வெயிலில்

காய்ந்த

வீட்டுஓடுகள்!

●

●

மழையும்

நிலவும்

நட்சத்திரங்களும்

தனியாய்த்

தவிக்கிற

உயிர்களின்

காதலர்கள் !

●

●

மழை

கொட்டும்

இரவில்

நிலவுக்கு

விடுமுறை

●

●

அமாவாசை

இரவில்

அம்முவுக்கு

சோறூட்டவேனும்

கொஞ்சநேரம்

வந்துபோ நிலா!

●

●

கடலளவு

கோபப்பட்டபின்

வானளவு

நேசித்துக்

கிடப்பாய்....

நூறுமுறை

சண்டையிட்டால்

ஆயிரம்முறை

முத்தமிடுவாய்!

என்னை

ஜெயிக்க வைக்க

உன்னிடம் நீயே

எத்தனைமுறை

தோற்றுப்போகிறாய்..!

உன்னை ஜெயிக்கவைக்க

என்னசெய்யப் போகிறேனோ

அழகி!

●

●

போ போ 

என்றால் 

எவ்வளவு 

சீக்கிரம் 

முடியுமோ

அவ்வளவு 

சீக்கிரம்

என்னிடம்

வந்துவிடு

என்றர்த்தம்

.

.

காதலில் மட்டும் !

●

●

நீ வேண்டுமென்று 

உன்னிடமே 

கேட்கமுடியாத 

நேரத்தில் 

உன்னைவிட்டு 

கொஞ்சம் 

விலகிஇருக்க 

உன்னிடமே 

வரம்கேட்கிறேன் !

●

●

உன் 

கோபமும் சரி

என் 

கோபமும் சரி..

என்னை 

இன்னும்

கொஞ்சம்

அதிகமாய்

காதலிக்கத் தான்

சொல்கிறது !

●

●

பத்துநொடிகள் 

நெஞ்சில்

சுமந்து நான் 

பிரசவிக்கும்

கவிதையானாலும்,

பயப்பட்டுக்

கொண்டேதான் 

இருப்பேன்...

எங்கே அவைகள் 

தொட்டணைத்து

உன் உதடுகளால்

ஆசீர்வதிக்கப்

படாமல்

போய்விடுமோ 

என்று !

●

When You read it, 

wat else Do I need emm? 

Everything I have. 

Evvvvvverything.

●

எல்லா பொய்க்

கவிதைகளையும் 

நான்

ஒரேமூச்சில்

எழுதித்தீர்ப்பது ,

பிரபஞ்சத்தின்

ஒரே ஒரு 

நிஜக்கவிதையை

கைப்பிடிக்கத்தான் !

வேறெதற்கு ?

●

●

வாழ்தலில்

காதல் 

வரங்களின் 

திரட்டு !

காதலில்

வாழ்தலும்

வரங்களின் 

திரட்டு !

ஒரு இரவில்

ஒட்டுமொத்த

அதிசயங்களும்

நடந்துமுடிந்து

விடிந்தது...

நீ என் கைகளில்

கிடந்தாய் !

ஆக,

வாழ்தலும் இனிமை..

காதலும் இனிமை..

வேறொன்றும் இல்லை !

●

●

ஓய்ந்தது உன் 

பெருமழைப்பேச்சு!

ஓடிவந்து 

மனசோரமாய்க் 

குத்திக்கொண்டது

கோடிவண்ண

காதல் வானவில்!

●