ஜெயிக்கவே பிறந்தது காதல்

✾

செல்ல சண்டைகளில் 

நம் இருவரையுமே 

வீழ்த்திவிட்டு 

ஜெயித்துவிடுகிறது 

காதல் !

✾

என் இனிய தலையணையே...

என் அணைப்பிலேயே 

தூங்கும் தலையணையை 

எத்தனை தடவை 

உன் பெயர் சொல்லி 

அழைத்திருப்பேன்!

எத்தனை தடவை 

அதை கேட்டிருப்பேன் 

என்னைப் பிடிக்குமா 

என்று !? 

எத்தனை முறை 

முத்தமிட்டிருப்பேன் 

சப்தமில்லாமல் 

ஒவ்வொரு இரவும் !

எத்தனை முறை 

சிரித்திருப்பேன்,

எத்தனை முறை 

சினந்திருப்பேன்.., 

அத்தனை நொடியிலும்
அதுவும் சேர்ந்து
உன்னைப் போலவே  

மௌனப் புரட்சி
செய்கிறது !

கேட்பதை, கொடுப்பதை
எல்லாம்
வாங்கி கொண்டு , 

என் கேள்விகளுக்கும்

காதலுக்கும்
என்றைக்குதான்

பதில் சொல்லப்
போகிறதோ 

என் இனிய  தலையணை !!
  

என்னை அவ்வளவு பிடிக்குமோ ?

எத்தனையோ வழிகளில்

எனக்குள் வந்து நிறைகிறாய் நீ 
உன்னைத் தடுத்து நிறுத்தினால் 

தான் என்ன ஆகிவிடப்
போகிறேன் நான் ?
யோசித்தேன் ....

 தலையணை எடுத்தேன்

முகத்தில் கிடத்திப் புதைத்தேன்  

நிசப்தத்தில் திணறிக் கிடந்தேன் 

ஓரிரு நிமிடம் கடந்திருக்கும்...
     
உன்  ஒட்டுமொத்த ஆற்றலையும் 

திரட்டி எத்தனை  வீரியமாய்

என் கைகளைப் தட்டிவிட்டுத்

தலையணை தூக்கி எரிந்து 

எனக்குள் வந்து நிறைகிறாய்!

என் மூச்சே , 

என்னை அவ்வளவு 

பிடிக்குமா உனக்கு ?

 

இப்படியெல்லாம் இருந்திருக்கலாம் - பகுதி ஒன்று

# 01

நாள் முழுதும் உன் உள்ளங்கை மழையில் நனைந்துகொண்டிருக்கும் கைக்குட்டை நானாக இருந்திருக்கலாம் 

# 02

நீ கோபப்படும் போது உன் மூக்கின் மேல் முத்தமிட்டு சிரித்துக் கொண்டிருக்கும்  நாலு சொட்டு வியர்வைத் துளியாய் நான் இருந்திருக்கலாம் !

#03

உன் நாடித்துடிப்பை கட்டியணைக்கும் குட்டிக் கடிகாரம் நானாக இருந்திருக்கலாம் !

#04

யாருமில்லா பொழுதுகளில் நீ சிரித்துப் பார்த்தும் முறைத்துப் பார்த்தும் மகிழ்கிற நிலைக்கண்ணாடி நானாக இருந்திருக்கலாம் !

 #05

கழுத்தின் வழியாக நெஞ்சை கடந்து வயிற்றில் படுத்திருக்கும் 

சர்ப்பக் கூந்தல் நானாக இருந்திருக்கலாம் ! அது அழகு !

#06

சர்ப்பத்தை சூழ்ந்திருக்கும் மொட்டு மல்லிகைக் கூட்டம் நானாக இருந்திருக்கலாம் !

#07

புத்தகப்பை இல்லாத நேரத்தில் உன் நெஞ்சோடு அணைக்கப்பட்டு சுமந்து போகும் புத்தகங்கள் நானாக இருந்திருக்கலாம் !

#08

நான்தான் இவள் கைகளை முத்தமிடவேண்டுமென்று சமயத்தில் சப்தமிட்டு  சண்டையிட்டுக் கொள்ளும் ஐந்து வலைகளும் நானும் ஒன்றாய் இருந்திருக்கலாம் !

#09

வைரங்களாலும் வைடூரியங்களாலும் ஆன ஊர்களை இணைக்கிற தங்கத் தொடர்வண்டி உன் கழுத்துக்கு நானாக இருந்திருக்கலாம் !

 #10

நீ முதன் முதலில் கட்டிய சேலையில் உன்னை தொட்டுரசிய நூல்கள் எல்லாம் நானாக இருந்திருக்கலாம் !

 #11

வெறும் மல்லிகையோடு இல்லாமல் ஒரு ஆரஞ்சு ரோஜாவும் வைத்தால் ரொம்ப அழகாக இருக்கும் என்று சொல்லுகிற உன் மனநிலை நானாக இருந்திருக்கலாம் !

#12

பன்னிரு  நரம்புகள் சங்கமிக்கிற நடுநெற்றியில் உன் செந்நிற குங்குமம் நானாக இருந்திருக்கலாம் !

 #13

உன் கைகளை விட்டுவிட்டால் நீ சிவந்து போகிறாய் . உன் கைகளை கட்டி அணைக்கிற மருதாணியாக நான் இருந்திருக்கலாம் !

 #14

வெளுத்துப் போயும் "இது சாமிக் கயிறு " என்று காலம் காலமாக உன் மணிக்கட்டை ஆக்கிரமிக்கும் ரெட்டை சுற்றுக் கயிறாய் நான் இருந்திருக்கலாம் !

 #15

உன் கைபேசித் தொடு திரையில் கன்னத்தில் கைவைத்து சிரித்துக் கொண்டிருக்கும் குட்டிக் குழந்தை நானாக இருந்திருக்கலாம் ! 

 #16

 நீ வெட்கத்தில் கைகளால் கண்களை மூடிக் கொள்ளும் போது , உன் கண்களுக்கும் கைவிரல்களுக்கும் இடையில் ஒளிந்துகொண்டு உன் அழகை ரசிக்கிற கறுப்புக் காற்றாய் நான் இருந்திருக்கலாம் !

 #17

வெகு நேரத்திற்குப் பின் கலையத் தொடங்கும் உன் முதல் முடிக்கீற்று நானாக இருந்திருக்கலாம் ! அது அழகு ! 

  #18

உன்னைக் கடித்துவிட்டு ஒளிந்துகொள்கிற சிற்றெறும்பாகவோ 

இல்லை கிச்சுகிச்சு மூட்டியதர்க்காக நீ மன்னித்து தரையில் இறக்கிவிடப் படுகிற சாமி எறும்பாகவோ நான் இருந்திருக்கலாம் ! 

 #19 

உன் சிரிப்பிலிருந்து சிதறி விழும் நட்ச்சத்திர துகள்கள் அத்தனையும் நானாக இருந்திருக்கலாம் !

#20 

நீ தூக்கிவைத்துக் கொஞ்சிகொண்டிருக்கும் பெயர் தெரியாத ஏதாவதொரு அழகுக் குழந்தையாக இருந்திருக்கலாம் !

காதலில் Ph.D பெறுவது எப்படி ?

உன் ஒன்பதாயிரம் 

சோதனைச் சாவடிகளிலும் 

நீ கேட்கும் 

விளக்கங்களுக்கெல்லாம் 

பதில் சொல்லி முடிந்ததும் 

வார்த்தைகளால் குத்தப் பட்டு 

சாகடிக்கப் பட்டிருக்கும் 

என் காதல்  ! 

அப்போதாவது ஏன் 

எப்படியென்று  

கேள்வி கேட்காமல் 

என்னைப்  நிம்மதியாய்த்  

தூங்க விடு !

அன்பின்  சேயாய் 

நானிங்கு கிடந்தேங்க , 

ஆராய்ச்சிக் கூடத்தில் 

என் காதலைப் போட்டு 

எரித்துக் கொண்டிருக்கிறாய் நீ ! 

உலகம் கண்டிராத அன்பை

நான்சொல்லித் 

தெரிந்துகொண்ட நீ 

காதலில் டாக்டர் பட்டம் 

பெற்றதும் !

சொல்லி கொடுத்த நான்

சிறந்த சர்வதேச 

நோயாளிப் பட்டம்

பெற்றதும் தான் 

இப்போது மிச்சம் ! 

பசித்தால் என்ன செய்யும் காதல் ?

என் எல்லா கவிதைகளுக்கும்

சொந்தக்காரி நீயாக மட்டுமே

இருக்கவேண்டும் என்றேன்  !

ஏன் உனக்கிந்த 

குழந்தைத்தனமான ஆசை 

என்றாய் ..

சரியாகச்சொன்னாய் அழகி !

குழந்தைகள் தான் அழுது 

முரண்டு பிடிக்கும் ! 

அழுதபிள்ளைதான்

பால் குடிக்கும் !

பாலூட்டாத அன்னையுமில்லை !

பசியெடுக்காத பிள்ளையும் 

எந்த உலகத்திலும் 

என்றுமே இல்லை !

சொன்னால் கேள்... நான் உன் நிலவில்லை..

இன்றைக்கு ஏனோ நிலவையே 

 வானத்தில் காணோம் 

என்று புலம்பிக்  கொண்டிருந்தேன் !

கவலை வேண்டாம் நாளை

உனக்கேற்ற வேறொரு வண்ணநிலவு

உன் வானத்தை அலங்கரிக்கும்

என்று  எங்கிருந்தோ அசரீரி சொன்னது  

 என் சொந்த  நிலவு !

இரண்டு நிலவுகள் ஒரு வானில்

இருக்க வாய்ப்பே இல்லை

என்று கூடத் தெரியாத

பைத்தியமேன்றே நினைத்துவிட்டதோ

அந்நிலவு  என்னை !?

  ஒரே நிலவு தான் !

அது என்றுமே நீதான் அழகி !

(அசரீரி - வானில் உண்டாகும் ஒலி )

I was searching all over ,

 as today my moon was missing

in the milky way of my heart.

Suddenly,A sound from the sky boomed..

Oh my god , It's my moon 

hiding some where and 

withering these words ..

 " Prabha , Some nice moon would

Decorate your heart soon

and please wait till you get that man "  

U Sweet stupid Damn pretty moon,

Please Dont act smart ,

as i have a strong belief

that You are the Sole moon

of my life ! and none other

could replace moon in the world

other than itself!

அன்புள்ள அஃறிணைகள்

உயிரில்லா அஃறிணைகள் 

ஏன் இப்போழ்தெல்லாம்   

என் உயிரெடுக்கும் 

தொழிலை செய்து 

கொண்டிருக்கிறதோ 

தெரியவில்லை -உன் 

மின்னல் மூக்குத்தியாகட்டும்

கம்மல் தோடுகளாகட்டும்

கால்களின் கொலுசாகட்டும்

கைவளையாகட்டும் 

எதுவோ என்னமோ 

அத்தனையும் உன் அழகிற்கு 

அழகு சேர்க்கையில் 

ஏக கோபத்திலும் 

ஏக்கமாய் ஒரு ஆசையிலும்

மிதக்கிறேன் !

அவைகள் அத்தனையும் 

  நானாகவே  இருந்திருந்தால்

அஃறிணைகள் எல்லாம் 

 எத்தனை அழகென்று 

எழுதியிருப்பேன் ?

இருந்தாலும் சொல்கிறேன்

அஃறிணைகள் எல்லாம்  

சத்தியமாய் அழகுதான்

அது உன்னுடம்பை 

  தொட்டு நிற்கும் 

வரம் கிடைக்கும் 

போது மட்டும் ! 

Anklets , ear rings , nose screws ,
 & whatever the non living

ornaments are ...
They make me  jealous by all means , 

for they enrich you  24 /7 , 

No matter what color,size,

Or whatever their attributes are .

I  Wish i could be those things which 

touches your rosewood sweet skin !

Yet, i would declare them to be 

The most precious things in this world 

One and only when they are 

Destined to decorate your 

very own body theme !

கனவில் திருடிய கவிதை

ஏ தன்னலமிகுந்த கனவே !

எத்தனை முறை 

சொல்லி இருக்கிறேன் உன்னிடம் 

அவளைப் பற்றி 

 நாம் எழுதும் கவிதைகளை எல்லாம் 

காலையில் பத்திரமாக 

என்னிடமே  கொடுத்து 

விட வேண்டுமென்று !?

எங்கு நான் எழுதி பெருமை 

சேர்த்துக் கொள்வேனோ  

என்று அத்தனையும்  நீயே

வைத்துக் கொள்வது 

எந்த விதத்தில் நியாயம் ?  

தயவு செய்து கொடுத்து விடு

கவிதையின் முடிவில் 

வேண்டுமானால் இப்படி 
எழுதி விடுகிறேன்!

காணீர் மக்காள்! 

இவைகள் நான் 

எழுதியவை அல்ல

என் "கனவுகளில் திருடியவை" என்று ! 

 Oh my Sweet Night dreams,

How many times Did i told you 

not to be so selfish

By keeping all the 

poems with you

  that we Write about her !

and denies me the access

of it in the morning !

Please, Do give that all 

back to me in the morning

for i would give you the credits

as... Dear people, 

The above Poem is not 

my very own thought

But

 "AN INSPIRATION 

FROM MY DREAMS"

இது கவிதையல்ல உண்மை

♥ நீயும் நானும் காதலித்ததால்

நம் இருவர் வீடும்

சந்தோஷம் ததும்பும் பூக்களால்

நிரம்பிக் கிடக்கிறது ! ♥

♥ நம்மைப் போலவே

ஒவ்வொருவரும் காதலித்தால்

அவனியில் ஒவ்வொரு வீடும்

எத்தனை அழகான பூக்களாலும்,

அதன் வாசங்களாலும்

சூழப்பட்டிருக்கும் ! ♥

இது ரசிக்க மட்டும்

எழுதப்பட்ட கவிதையல்ல

என்று ஊர் உணர வேண்டுமே அழகி !

Our profound love on each other ,

decorated our entire home

with grinning flowers !

Likewise, if every human being

in this world would

love as we do ,

how colorfully even they would get

decorated as well !

It's a fact that

everyone should know !