!அனாதைக்காதலன்❤

Fantastic 5 - February 14 Special

2012-02-13T23:54:00.000+05:30

கருப்பு நயாகராக்கள்

ஒளியில்லா ஒவ்வொரு

நடுநிசியிலும்

ஒரு கருப்பு

நயாக்கிராவிற்குள்

விழுந்து தொலைகிறேன் ..

தொலைத்தெடுக்கிற வாசத்தில்

சுவாசித்து ஜீவித்து
விடிந்ததும் கரை சேர்கிறேன்

|-கூந்தல்-|

ரெட்டைப் புள்ளி ஓவியம்

சாமி தன் நெற்றியில்

தானே ஒரு ரெட்டைப் புள்ளி

ஓவியம் வரைகிறது !

ஒரு சிகப்புப் புள்ளியும் ஒரு

வெள்ளைப் புள்ளியும்

வைத்து முடித்ததும்

உலகினில் அதைப் போல்

அழகுண்டோ என்றாகிறது !

|-ஒப்பற்ற ஓவியம் -உன்

நெற்றிக் குங்குமமும்

குட்டித்திருநீறும் !-|

நித்திரையில் ரெண்டுவில்கள்

நித்திரையில் இருக்கும்

ரெண்டு வில்லும்

சப்த்தமில்லாமல்

பார்த்தெனைக் கொள்கிறது ...

அம்பே இல்லை

அங்கேயே எப்படியோ
வீழ்ந்துவிட்டேன் நான் !

|- நெற்றிப்புருவம் -|

மூன்று நிலவு

முதல் உலகப் போருக்கு

முன்னர் நடந்த

உரிமைப் போரில்

மூன்று நிலவு மட்டும்

உயிர்பிழைத்தது !

ஒன்று மேலேயே

தங்கிக் கொண்டது !

மற்றிரண்டும் உன் கண்களாய்

குடி பெயர்ந்துவிட்டது !

|- ரெண்டு கண்கள் -|

பூக்களுக்கான புன்னகைப் போட்டி

விண்வெளி நடத்திய
பூக்களுக்கான புன்னகைப்

போட்டியில்

ரோஜாக்களும்

மல்லிகைப் பூக்களும்

எதிரெதிரே நின்று

சிரித்துவிட்டு மறந்தவாறு

அங்கேயே தூங்கிவிட்டது !

|- அதை இன்று உன்

கன்னங்கள் என்கிறார்கள் -|

இப்படியும் ஒரு கோபம்

2012-02-06T10:01:00.002+05:30

Love <3 = Battlefield ! :)

என் ஊமைக் கோபங்களையும் சரி,

உண்மைக் கோபங்களையும் சரி,

நீ யார் மீதும்

போர்த்த விடுவதில்லை..

முகம் சிவக்கும் என்

சிறுபிள்ளைச் சினங்கள்

அத்தனையும்

உனக்கே சொந்தமாகிக் கொண்டு

" என்னங்க.... நீங்க இப்ப

என்னதான திட்டுனீங்க...!?"

என்று கேட்கும் போது

ஒரு காதல் ஹிட்லர் நான்

பூக்களின் இளவரசியிடம்

தோற்றுப் போகிறேன்!

Despite whatever Rage that i possess,

You Would grab that all for Your sake

and would ask me..

Prabha, " I am the one whom you are

scolding about ! Right?"

Ah! Pretty crazy gurl,

"YES", I acclaimed and chilled down !

Queen of masses of flowers, like you

Sometimes Defeats the Brave rages of

Lovable Hitlers Like Me !

Love is pretty awesome !

அன்பின் கைப்பிடியில் - Love Leads

2012-02-03T10:14:00.000+05:30

பல பொய்யான சுகங்களுக்கும்

உறவுகளுக்கும் முன்

சில உண்மையான அன்பு மட்டுமே

வாழச்சொல்லி வற்புறுத்திக்

கூட்டிச்செல்கிறது....

வாழ்க்கையின் பாதையில்

என்னைத்தான் கையில்

இறுக்கமாய்ப் பிடித்துக் கொண்டு !

Before some ample amount of

deceitful relationships and pleasures

some TRUE PROFOUND LOVE

which exists rarely,

is what is that obligates me to

Sustain in this world !

Love, Rules My World, and Destiny !

முன்னூறு டன் காதல்

2012-02-02T11:55:00.001+05:30

from "PEARLS OF PLATONIC LOVE" My first book on air !

தேவையில்லாத வீண்வேலை காதல்

என்று அறிவு வழியப் பேசும்

இனிய மக்களே !

ஒன்று சொல்கிறேன் கேளுங்கள்!

சுவாசிக்கத் தெரியாதவனுக்கு

மூச்சுக்காற்றும் முன்னூறு டன்

சுமையாகத் தான் இருக்கும் !

ரெண்டு பைத்தியக்காரக் காதலர்கள்

2012-01-23T11:48:00.000+05:30

உலகத்தின் இரண்டு பெரிய பைத்தியங்கள்

ஒரு காலத்தில் காதலில்

கொடி கட்டிப் பறந்தது என்று

இனி வரலாறு சொல்லக் கூடுமானால்...

அந்தப் பட்டத்தையும் நாம்

நமக்கானதாக்கிக் கொள்வோம் அழகி!
பின் என்ன?

கணக்குப் போட்டுக் காதலிக்கும்

உலகத்தோர் மத்தியில்

எதையும் எதிர்பாரா

பைத்தியங்களின் அன்பு
எவ்வளவு சுத்தம்?!

காதலும் நீங்களும்

2012-01-02T12:00:00.002+05:30

# 01

*உறவுகளுக்கும் அதற்கு மனிதர்கள் வைத்த பெயர்களுக்கும் காதலுக்கும் நெருங்கிய தொடர்புண்டு ! ஆம் ., காதல் உறவுகளையும் பெயர்களையும் கண்டுகொள்வதே இல்லை என்பதுதான் மறுக்கப்படுகிற உண்மை !

Love , never ever toy with relationships and their names kept by predecessors ! If a guys heart steadfastly believes in his love , apparently , He will GO FOR IT !

# 02

*ஒரு பெண்ணின் நெஞ்சில் சாய்ந்து கிடக்கும் ஆணின் மனதில் சதைக்கு உள்ளிருக்கும் துடிப்பு ஓடிக் கொண்டிருப்பின் அது அன்பு ! அது காதல் !

Whenever a guy inclines with his girl's heart , and if only the rhythm of her heart fills all over his mind, despite queerness ! Its a PROFOUND PLATONIC SUPERB LOVE !

# 03

*நல்ல காதல் சூழ்நிலைகளால் பிரிந்த போதிலும் சந்திக்கிற ஒவ்வொரு முகத்திலும் காதலன் காதலி முகம் பார்க்கும் , முழுவதும் நினைக்கும் , அலைமோதுகிற நினைவுகள் அவ்வப்போது மூச்சடைக்கும் ! அது ஆரோக்யமான காதல் !
Love, separated by destiny is merely a physical fall apart and a mind-boggling Reunion ! Love never ever parts , It all upon lovers who work with it !

# 04

*அழுவதோ புலம்புவதோ காதலில் வீண்வேலை , உங்கள் மனதில் ஒருவரோ இன்னொருவர் மனதில் நீங்களோ இல்லாமல் போனதற்குக் காரணம் ( யார் மறுத்தாலும் அது உண்மையில் குறைபாடே )
Weeping and prattling has never proved to be a healing technique when it comes to love ! If You fail to fill up your lover's mind and heart apparently its your fault ! KINDLY RENOVATE YOUR LOVE !

# 05

* ஒரு பெண்ணுக்காக தன சுயத்தை மாற்றிக் கொள்கிற ஆண் , ஒரு நல்ல காதலனாக இருக்கிறான் , ஒரு ஆணாக இருக்கத் தவறியும் போகிறான் !
When a guy adapts his girl's wishes He becomes a GREAT LOVER and when he changes his ORIGINALITY for a girl he peter out to be a Mr.expert !

# 06

*தன் வனப்பினை ஆயுதமாக எடுக்கும் பெண்ணின் தலைகனம் உலக அழகியாய் இருப்பினும் ஒவ்வொரு ஆணிடம் மனதளவில் தோற்றுப் போகிறது ! அழகு ஆபத்து ! அதைவிட ஆபத்து அழகிலிருந்து அரும்பும் காதல்!
Whenever a ravishing girl uses her fairness against the love of a man , it manages to draw the attention of his mind but fails to impress his heart ! Start from heart and cope with the mind !

#07

*விரல் நுனியில் விழுந்து கிடப்பதும் , விழுந்து விழுந்து முத்தமிடுவதும் , அன்பில் தொடங்கி அன்பில் நிலைத்து அன்பில் முடிப்பது காதல் ! இடையில் மற்றது என்னவாக இருந்தாலும் அத்தனையும் ஆக்கமே !
Napping at her feet , and and cuddling her from end to end is a top-notch kinda love ! When you start . survive , and uphold everything in LOVE , There's no need to worry about any thing ! Just keep going !

#08

*முத்தத்தில் தொடங்கி இருப்பின் பரவாயில்லை , இனியாவது அன்பைப் பேசுங்கள் ஆசையிலிருந்து அன்பு முரண் ! அன்பிலிருந்து ஆசை புனிதநியதி !
Love which originated from infatuation is a hunky-dory ! For a stable prospective future Practice Love and live it , for Queerness to Love is controvert , and Love to Queerness is a Right Path !

#09

* உங்கள் இதழும் மனமும் ஏமாற்றும் காதலை கண்களில் புரிந்துகொண்டு வார்த்தையில் ஏமாற்றுவான் ... பெண்ணுக்கு அவன் திமிர்பிடித்த காதலன்.... ஆணுக்கோ அது பொறுமையாய் வளர்க்கிற காதல் !
A Splendid Monsieur , is the one who understands every move of a girl and stay quiet in his words ! He would be a cunning person for her ! for him , He is enjoying all those deeds of her and slowly adds fuel to their love !

#10

* நீ என் தம்பி /அண்ணன் மாதிரி என்று ஒரு பெண் காதலை சூசகமாய் எதிர்க்க நினைக்கையில் ஒரு பெண் தனக்குத் தெரியாமலேயே அந்த ஆணின் கவனத்தை மேலும் ஈர்க்கிறாள் !
When its been destined, No Such words could actually drive away these men as they are highly motivated towards the love of such gurlZ ! Girls, Dont try this stunt ever ! ;) If you choose to follow this technique , then keep ur mind , heart , soul to lose it to that same Mr.Brother! ;)

ஜிம்மியும் காதலும் . . . .

2011-12-29T22:09:00.000+05:30

மழையையும் மரங்களையும்

நாய்க்குட்டிகளையும்,

ஆட்டுக்குட்டிகளையும்,

குருவிகளையும் , குயில்களையும்,

பார்பி பொம்மைகளையும் ,

பஞ்சுமுட்டாய்களையும் மட்டுமே
ஒரு தரப்புப் பெண்கள்

ரசித்துக் கொண்டிருக்க,

இன்னொரு பக்கம் நீ மனிதர்களை

நேசிப்பதற்கே நேரமில்லை என்கிறாய் !,

பிடித்து வைத்தும்

அடங்க மறுத்துப்போகிற நெஞ்சோ

இதைப் பிடித்துப்போய்

உனை வந்து சேர்ந்தது !

இன்று , நீயும் உன் அன்பிற்கும் முன்

மழையோ , மின்னலோ ,

ஆட்டுக்குட்டியோ, நாய்க்குட்டியோ

எனக்கு ஒருபோதும்

அழகாகத் தெரிவதே இல்லை அழகி!

உன்னை நேசிப்பதற்கே நேரம்

சரியாய் போகிறதடி !

காதலுக்கென்றே படைக்கப் பட்ட வரங்கள்

2011-11-17T11:35:00.001+05:30

இருவர் மீதும் தவறுகளிருந்தும் ,

இருவர்க்கும் அது தெரிந்திரிந்தும்,

என் தவறுகளை நீ

உன் நம்பிக்கையில் மறைப்பதும் !

உன் தவறுகளை நான்

என் நம்பிக்கையில் மறைப்பதும்!

♥ படைத்த சாமிக்கே

கிடைக்கப் பெறாத வரம் ♥ !

சினந்து சிவக்காத பெண்களும் ,அதைப்

புரிந்து அணைக்காத ஆண்களும்

காதலுக்கென்றே எழுதப்பட்ட

சாபங்களாய் இருக்கையில் !

நீ சினந்து சிவக்கிறாய் !

நான் புரிந்து அணைக்கிறேன் !

♥ நாம்தான் காதலுக்கென்றே

படைக்கப் பட்ட உண்மையான

வரங்கள் அழகி ♥!

The kinda trust which binds us is
a heavenly treasure !

♥ I jus love it ♥

ஒரு முத்தமும் ஒரு லட்சம் சந்தேகங்களும்

2011-10-23T12:31:00.002+05:30

ஏதும் பேசாதவனாய்

எத்தனையோ மணிநேரம்

உன் கன்னங்களைப்

பார்த்துக்கொண்டு மட்டும்

இருந்திருக்கிறேன் !

"முதல் முத்தத்திற்கு

முன்னும் பின்னும் தோன்றிய

மூவாயிரம் சந்தேகங்கள்"

என்றொரு புத்தகமே எழுதலாம்!

அத்தனை பயம் !

அதற்குமேல் காதல்!

முதல் முத்தமின்று

மூன்று கோடியை எட்டியிருக்கும்..,

நகர்ந்தோடிய நிமிஷங்களில்

நாம் பகிர்ந்துகொண்ட

ஈரங்களும் காய்ந்திருக்கும்!

அன்றிலிருந்து இன்றுவரை,

என்றெழுத அமர்ந்தாலும்

தாள்களை முத்தமிட்ட

மை'யும் காதலும்

கவிதையாய் மாறியிருக்கும் !

நாள்களைச் சேர்த்து

நிமிஷங்கள் ஜென்மமானாலும்

நம் அன்பு மட்டும்

என்றுமே மாறுவதில்லை அழகி !...

Happy that Such an enduring green luv is ours !

ஒரு பூ சிரிக்கிறது

2011-08-03T12:32:00.000+05:30

அதிகமாக மலரை நேசிக்கிறவர்கள்

அதைச் செடியிலேயே

சிரிக்க விடுகிறார்கள் !

அழகி !,

நீ மலரில்லை என்று சொன்னாலும்

அதைஊர் நம்பப் போவதில்லை !

நான் உனைப் பறித்துக் கொண்டுவிட்டேன்

என்று சொன்னாலும்

அது உண்மையாகப் போவதில்லை !

எங்கோ இருக்கிறாய் !

என்னமோ செய்கிறாய் !

இன்னும் நீ செடியில் பூதான் !

அழகி !

எங்கோ நீ

சிரித்துக் கொண்டே இரு !

இங்கே நான்

ரசித்துக் கொண்டே இருக்கிறேன் !

இந்தக் கவிதையும் அன்புமே

நம் காதல் வரலாறெழுதும் !

L o v e Y o u A z h a g i !

எது காதல் ?

2011-07-11T00:22:00.002+05:30

அரங்கேற்றம் தொடங்கட்டும் !

ஓடிப்போய் நீ எங்கோ ஒளிந்துகொள் !

உனக்கெதிரில் நானெங்கோ

ஒளிந்து கொள்கிறேன் !

என்னைக் கண்டுபிடித்தால்
நீயும் சொல்லவேண்டாம் !
உன்னைக் கண்டுபிடித்தால்
நானும் சொல்லிடமாட்டேன் !

ஞாபகம் வைத்துக் கண்டுபிடித்து

விளையாடிக் கொண்டிருந்தது ஊர் !

நாமோ கண்டுபிடித்து மறந்து

விளையாட வேண்டிய நிலைமை !

பொல்லாத காதல் விளையாட்டில்
பொழுது சாய்ந்தால் ஒரு விதி
விழித்து எழுந்தால் ஒரு விதியா ? !
எவன்தான் செய்கிறான்
காதலர்களுக்கு இப்படி விதி ?

நேற்று, பொழுதுக்கும் என் பெயரை

காற்றில் வாசித்தவள் !

இன்று கற்பனையில் கூட வாசிக்காமல்

போன வழி எங்கே ?

எத்தனையோ அன்பினை படித்து முடித்து
எது காதலென்று மறந்து
போகும் நிலைக்குப் பெயர் தான்
ஒருவேளை காதலில் டாக்டர் பட்டமோ !?

நேற்றடித்த மழையில்...

2011-05-20T18:47:00.004+05:30

நேற்றடித்த ஆசைமழையில்

இன்றெழுந்த எல்லாம் காதலாம் !

பார்க்க முடிகிற அன்பிலும்

கேட்க நேர்கிற காதலிலும்

உணர முடிகிற உண்மைகள் யாவிலும்

உடல்களின் வாசமே

உண்மைப் பிரதானம் !

அது காதலாம்!

ஓஹோ !

அப்படியானால் இதற்குப் பெயர் என்ன ?

கனவில் விதி எழுதி ,

நினைவில் உணர்வெழுதி,

நீ எங்கோ நான் எங்கோ

சென்றுவிட்ட போதும் ,

காற்றில் அன்பெழுதி

சப்தமிட்டு வாசிக்கிறேன் !

அதைநீ முத்தமிட்டு நேசிக்கிறாய் !

தோள் இல்லை - நான்

சாய்ந்துகொண்டுதா னிருக்கிறேன்-உன்

மடியில்லை - நான்

தூங்கிக் கொண்டுதா னிருக்கிறேன் !

விதியை மீறி விண்ணை எட்டிய

நம் உணர்வுகள் இன்று !

நட்சத்திரங்களுக்கு நடுவினில்

உலவிக் கொண்டிருக்கும் காற்றோடு

கைகோர்த்து காதலித்துக் கொண்டிருக்கிறது !

இதை விட ஒரு பெரிய காதலை

நான் பார்த்ததில்லை அழகி !

Thanx, that you are here to accredit my love !

Love you so much !

காதல் 25 - The Refined Definitions

2011-02-28T20:54:00.001+05:30

பூக்களின் நடுவினில் பயணம் போகிறேன் !

உன் புன்னகை நிறம் மஞ்சலென உணர்கிறேன் !

இது காதல் !

* நாம் கட்டியணைத்துக் கொள்ளும் போது,

இடையினில் நிறைந்திருக்கும்

அத்தனைக் காற்றிற்குள்ளும்

ஒளிந்திருப்பது காதல் !

ஒளித்து வைத்தது நாம்!

இரு வேறு தீச்சுடரின் கோபம் - காதல் !

ஒன்றும் இன்னொன்றும் எரிகிற வேலையில்

பளிச்சிடும் ஒளியில்

மிளிர்வது காதல் !

நீ ஏமாந்திருக்கும் வேலையில் உன்

பின்னின்று

உச்சந்தலையில்

முத்தமிடுவது காதல்!

* உன்னை சுவாசித்து

என்னை வெளியேற்றும்

செயல் காதல் !

* என்னைப் பிடிக்குமா என்று நீ

கேள்வி கேட்பது காதல் ,

"பிடிக்கவே பிடிக்காது" என்று நான்

பதில் சொல்வது

காதலோ காதல் !

* ஊருக்கு நாம் எப்படியோ ?

உனக்கு நான் அழகு !

எனக்கு நீ அழகோ அழகு !

இது காதல் !

கவிதை எழுதத் தெரியாதவன்

எழுதிக் கிழிக்கும்

அத்தனை காகிதங்களுகுள்ளும்

எத்தனையோ காதல்

செத்துக் கிடக்கிறது !

உண்மை எதுவோ .,

அதை சொல்ல முடியாத

வார்த்தைகளில் ஒளிந்திருப்பது

காதல் !

என்னைப் பிரிவதற்கு நீ போட்ட

அத்தனை நாடகங்களிலும்

கதாநாயகியை காமெடியன் வென்றான் !

அது நான் !

அது காதல் !

நான் உன் அளவிற்கு அழகில்லை

என்று புலம்புவது காதல் !

" சோ வாட்" என்று நீ

சூப்பராய் பதில் சொல்வது

காதலோ காதல் !

என் இரு கைகளையும்

இணைத்துப் பார்க்கிறேன் !

இதய வடிவம் சரியாய்

வர மறுக்கிறது !

"அடப்போடா" என்று

கவலைப்படுவது காதல்!

காமத்திற்கும் அன்பிற்கும் இடையில்

ஊர் வாயில் சிக்கித்

தவித்துக் கொண்டிருக்கும்

அத்தனையும் காதல் !

அது பாவம் !

நீ எனக்கானவள் இல்லை
என்ற போதும்
உன்மீது கொண்ட அன்பில்
நிலைத்தே இருப்பது
நிசமான காதல் !

உன்னைப் பெற்றவர்களிடம்:

" பூமியில் எங்கும் இலாத அன்பை

நான் மட்டுமே உங்கள் மகளுக்குக்

கொடுக்க முடிந்தவன்"
என்று சொல்லியே தீருவேன்
இந்த இனிமையான தலைகனத்தில்
நிறைந்திருப்பது
அத்தனையும் காதல் !
காதலுக்குள் அன்பு !

* நிறைவான காதலில்

நிறைந்திருப்பது காதல் !

நிறைவான காமத்திலும்

கலந்திருப்பது காதலே !

* உணர்வுகள் உணர்ச்சிகளை

அன்பால் கொல்கிறது !

அது காதல் !

* கலைந்து கிடக்கும் மேகக்

கூட்டங்களில்

ஹார்ட்டின் சின்னங்களை

தேடுவது காதல் !

* ஒரு சராசரி ஆணாய்

உன் உடல் பிடிக்கும் !

ஏன் என்று கேள் !

என்னை சுமக்கிற

இதயத்தை சுமப்பது

உன் உடல் தானே ?!

அது காதல் !

என் கைகளில் உன் பெயரை எழுதிப்

பார்த்துக் கொண்டே இருக்கிறேன்!

உன் கைகளில் என் பெயரை

எழுதிக் கொண்டு சிரித்துக் கொண்டே

இருக்கிறாய் !

என் அன்பிற்குப் பெயர் காதல் !

உன் பைத்தியகாரத் தனத்திற்கும்

பெயர் காதலே!

* இருப்பது நினைவிலோ கனவிலோ ..

பேனா கிடைத்தால்

என்னை மறந்து உன் பெயரை

கிறுக்கி தள்ளுவது காதல் !

கறுப்புக் கலர் கைகளில்

ஒளிந்திருக்கும் அன்பையும் ஈரத்தையும்

வெள்ளைக் கலர் கைகள்

கண்டுபிடித்து ரசித்தால் !

அந்த விளையாட்டிற்கு

காதல் என்று பெயர் !

* நீ யாரென்றே தெரியாத போதிலும் கூட

உனக்காகநான் விடும்

ஒரே ஒரு சொட்டுக் கண்ணீரில்

ஓராயிரம் டன் அன்பு

ஒளிந்து கிடக்கும் !

அது காதல் !

* என் கால்களில் நீ

ஏறி நிற்க நினைப்பது காதல் !

இனிமையான சுமையைத் தாங்கி

நான் சிரித்துக் கொண்டிருப்பது

காதல் !

நீ வேறு திசை நான் வேறு திசை

போன போதிலும்

நாம் நம் ஸ்வாசங்களுக்குள் சத்தம்போட்டு

முத்தமிட்டுக் கொள்வது காதல் !

உன் பெயரெழுதி பக்கத்தில்

என்பெயர் எழுதுவது

காதல் !

அதை அடித்துபோட்டுக் கிழித்துப்

போட்டதற்குப் பெயர்

வாழ்க்கை !

PENNED BY KARUR PRABHAKARAN

64X காதல்

2011-02-06T10:34:00.004+05:30

கவிதைகள் தூங்கிபோகிற நேரங்களில்
காதலும் என்னுள் தூங்கிப் போகிறது !

உயிர்கள் தூங்கிப் போகிற நேரங்களில்
உண்மையும் அதற்குள்ளே தூங்கிப் போவது

என்ன நியாயம் ?

அப்ஜெக்ஷன் மை காதலி !

பட்டுப் போன என் உணர்வுகளுக்கு
பட்டாம்பூச்சி சிறகுகள் வேண்டும் !

விட்டுப்போன கவிதைகளை

ஒட்டுமொத்தமாய் எழுதி முடிக்க

ஒன்று செய் !

மறுபடியும் என்னை தம்பி என்றழை !
அங்கு தானே நம் காதல் தொடங்கியது !

பூங்கதவே தாழ்திறவாய்

2011-01-16T01:34:00.005+05:30

காதல் காதல் என்றெழுதிக்
கவிஞனானேன் !
அன்பு அன்பென்று சொல்லி
மனிதனானேன் !

ஆசையின் வழி - அட்டகாசம் !
வெறித்துத் தவிர்த்தேன் !

அன்பிற்கு வழி - அடர்காடு !

விரும்பி நுழைந்தேன் !

கத்துவதும் கதறுவதும்
கைநீட்டிக் கெஞ்சிக் கொண்டும்
வந்து விட்டேன்...
பாதித் தொலைவு !

மீதிக் கவிதை எழுத நேரமில்லை... !

யாரேனும் என்

கவிதைகளுக்கு முற்றுப்புள்ளி வைத்து

உங்கள்

காதலிடம் கூட்டிச் செல்லுங்கள் !!

காதல் VS காமம் : The Exact Perspective :

2011-01-09T10:23:00.000+05:30

உணர்த்த முடியாத அன்பினை

உடல்கள் பேசிப் புரிந்துகொள்வது

காமம் !

உணர்த்த முடிகிற அன்பினை

இதழ்கள் பேசிப் புரிந்து கொள்வது

காதல் !!

இதற்கு மேல் நான் என்ன சொல்ல ?

காதல் நம்பர் : 123 ( One hundred and twenty third love )

2010-12-04T12:32:00.003+05:30

KarurPrabha@anaathaikathalan

ஒரு தடவை தான் காதல் வரும்!

என்று எவன் சொன்னான் ?

சேறு சகதிகளைக் கடந்து தான்

ஆற்றுநீர் கடல் சென்று சேர்கிறது!

சேற்றுக்குள்ளேயே சிக்கி

இருப்பவர்களுக்குச் - சின்ன

ஆற்றோடு முடிந்து விடுகிறது

காதல்!

ஆற்றைக் கடந்து அடியெடுத்து வை !

அன்புக் கடல் பெருசு நண்பா!

ஆயிரம் வசனம் ஊருக்குத் தெரியும்

அது பேசிக்கொண்டே தான் இருக்கும் !

விட்டுவிடு !

உன் வசனத்தை நீயே எழுது !

உன் வீணையை நீயே வாசி !

மற்றவரின் பேச்சுகளின் மேல்

தூக்கி வைத்திருக்கிற

உன் அன்பையும் காதலையும்

இறக்கி வைத்து நீயே சுமந்து செல் !!

எந்தத் தோளில் உன் அன்பை

இறக்கி வைக்க முடியுமோ !

அங்கு செல்லும் வரை தேடல் தொடர் !!

ஆயிரம் காதல் கூட தவறில்லை!!

ஆசைக்கு ஏங்காமல்

அன்பிற்கு ஏங்கும் வரை!

ஒரு கோப்பைக் காதல்

2010-11-30T13:07:00.003+05:30

KarurPrabha @ anaadhaikathalan

என் ஒரு கோப்பை நெஞ்சிற்குள்

உயிருக்கும் உணர்வுக்கும்

உனக்கும் சண்டை !

உயிரையும் உணர்வையும்

தூக்கி எறிந்து விட்டு

கோப்பைக்குள் நிறைகிறாய் நீ !

ஆம் ! எல்லாம் நீயாக !

போதும்! இது போதும்!

நீயே நெஞ்சான பின்

இதற்கு மேல் என்ன எழுத ?

உயிரற்று உணர்வற்றுநான்

ஒன்றுமேயற்றுப் போனாலும் ,

உன்னை உணர எனக்குத் தெரியும்,

என்னை உணர உனக்குத் தெரியும்

நம்மை உணர அன்பிற்குத் தெரியும்!

இது பத்தாதாடி அழகி ??

காரணம் கேட்டால் காதலென்று அர்த்தம்

2010-11-25T14:20:00.000+05:30

அப்ப நான் உனக்கு புதுசு அழகி !

பழகிய கொஞ்ச நாட்களிலேயே

என் வரையரைற்ற அன்பிற்குக்

காரணம் கேட்டாய் !

அப்போது கவிதையும் தெரியாதா எனக்கு !

எனவே

வார்த்தைகளையும் காரணத்தையும்

தேட வேண்டி இருந்தது !

தேடியதும் சொன்னேன்!

"எங்கிருந்தோ வருகிற

ஊர்பேர் தெரியாத காற்று

உன்னிடம் அனுமதி வாங்கிக்கொண்டா

உன்னை வாழ வைக்கிறது ?

"நானும் காற்று தான் அழகி !

கடவுளுக்காகக் காத்திருக்கிறேன்

2010-11-11T12:58:00.002+05:30

தோழியின் மீது காதல் !

தொலைந்து போனது

தாய்மொழி வார்த்தைகள் !

தொலைவில் அவள்

சென்றிடக்கூடுமென்று

மறைந்தே கிடக்கிறது

மனதிற்குள் அன்பு !

சொன்னால் விதி

என்ன ஆகும் ?

சொல்லாமல் என் அன்பு

எங்கு போகும் ?

ஒளித்து வைப்பதும் குற்றம் !

எடுத்துச் சொல்வதும் குற்றமெனில் !

எங்கு தான் போகும்

அனாதையான அன்பு ?

யாரேனும் கடவுளைப் பார்த்தால்

என்னிடம் வரச் சொல்லுங்கள் !

அவனை கட்டிப்போட்டுக்

கேள்வி கேட்கவேண்டும்!

வழக்கம் போல இதற்கும் தலைப்பு -அன்பு

2010-10-31T20:56:00.004+05:30

யுகங்கள் தோன்றி மறையும் !

நாகரிகம் வளர்ந்து சுறுங்கும் !

மனிதர்கள் பிறந்து மடிவர் !

'முரண்பாடு' என்னும்

முதலிலேயே எழுதி

வைக்கப்பட்ட விதியில்

நீயும் நானும்

ஒருபொருள் சுமந்த இரு வரி அழகி !

அவ்வளவுதான்!

நாம் ....

பிறந்தோம் வாழ்ந்தோம்,

வாழ்ந்துவிட்டு மறைவோம்!

இடையில்...?

இருவரும் சேர்ந்து விதியில்

ஒரு வரி மட்டும் எழுதினோம்! -

அதுதான் காதல்

நம் இருவரின் காதலும்

சேர்ந்து ஒரு கவிதை எழுதியது -

அது அன்பு !

இப்படி ,

நிலையில்லா மனிதவாழ்வில்

என் நித்தியமெல்லாம்

உன் அன்பிற்காக மட்டும் வாழ்வது

எத்தனை பெரிய வரம் அழகி !

முத்தம் அன்பே சொல்லும் !

2010-10-31T20:08:00.002+05:30

உன்னை முத்தமிட்டதாய்

கவிதை எழுதுகிறேன் ,

கவிதையில் பொய் எழுதுவதை

அப்போது மட்டும்

நிறுத்தி வைக்கிறேன் .!

என் பொய்களை ரசிக்கிற உலகம்

ஏனோ உண்மையை படித்து

முகம் சுழிக்கிறது !

அப்போது தான் நினைத்தேன் :

பேசாமல் நமக்கு வயசு

ஏழாகவோ , இல்லை எழுபதாகவோ

இருந்திருக்கலாம் !

நம் முத்தத்தின் ஈரத்தில் கசிகிற

அன்பை மட்டும் உலகம் கவனித்திருக்கும் !

சரி விடடி.,

முத்தத்திற்கு அர்த்தம் - " அன்பு " என்று சொல்பவனுக்கு

மட்டும் நம் காதல் கண்டிப்பாய் புரியும் அழகி ...!

L o v e y o u s o m u c h d i !

விலை : ஒரு பெருமூச்சு

2010-10-31T19:39:00.001+05:30

அழகி !

மௌனங்கள் நூறுநொடி ,

வார்த்தைகள் ஆயிரம் கோடி ,

எண்ணங்களும் நினைவுகளும் ,

எண்ணற்ற என்னினைப்பும் ,

எனக்காக நீ கொடுக்கும்

வரங்களும் சாபங்களும் !

என் பெருமூச்சை

விலைவாங்கிக் கொள்கிறதடி !

அன்போடு சேர்ந்த சாபமும் வரமாம்!

2010-09-30T13:19:00.008+05:30

காற்றும் கனவும்

களவாடிய-அப் பொழுதினில்

தெரிந்தோ தெரியாமலோ

இழந்திருக்கிறேன் .,

உனக்காக நான் எழுதிய

எத்தனையோ கவிதைகளை !

அன்பு ராஜ்யத்தின்

அழகு நீதியரசி - நீ !

அகப்பட்டேன் உன்கவிஞன்

கூண்டில் குற்றவாளியாய் !

மன்றாடி நின்றேன் !

மன்னிக்கக் கேட்டேன் !

என்பொருட்டு எனை

மன்னித்தும்

அவள் பொருட்டு என்மேல்

சினந்தும் எழுதினாள்

இரண்டு தீர்ப்பு !

தீர்ப்பு ஒன்று :

( The World's most lovable judgement i ever heard)

அணைத்தாள்! ஆர்ப்பரித்தாள்!

அருகில் வந்து சொன்னாள் ....

விடு பிரபா..

"எழுதத் தெரியாதவன் தான்

தொலைத்ததைத் தேடிக்கொண்டிருப்பான் என்றாள் !"

அடேயப்பா !

எவ்வளவு உண்மையான தீர்ப்பு !!

தீர்ப்பு எண் இரண்டு :

( The worlds Most beautiful Imprecation i ever heard of)

சினந்தும் சிவந்தும் போன

தாமரையாள்

அழுது முடித்தொறு

சாபம் சொன்னாள்!

" என்னை எழுதித் தொலைத்தவரே!

இன்று முதல் நீங்கள்

என்னைத் தவிர வேறெதையும்

எழுதப் போவதில்லை !" என்றாள்

பெண் சாபம் பொல்லாத சாபம் தான் !

ஆயிரம் தமிழ் தெரிந்திருந்தும்!

அழகி!.....

உன்னை எழுதும் போதும் தான்

வார்த்தைகள் கவிதைகள் ஆகிறது..!!

என் முதல் காதல் கடிதம் :

2010-09-21T04:48:00.007+05:30

நிலவின் மடியில் நிரந்தர ஜீவனாம்சம் கேட்டு ஒரு பேராசைக்காரன் எழுதுவது. நலம், நல செய்ய

ஆவல் ..!

நகரும் நொடிகளை விட்டு நகராமல் நிற்கும் என் நினைவுகள், கொஞ்ச நாட்களாய் உன்னோடு சுற்றி திரிகிற விசை நீ சுவாசிக்காத உண்மை..! எங்கெங்கோ பார்த்திருக்கிறேன்! எங்கோ தூரத்தில் நின்றிருக்கும் உன் அசைவுகளை எல்லாம் நான் ரசிக்கத் தவறிஇருக்கிறேன் (இருட்டுக் கனவில் மட்டும்) !

எல்லா அழகையும் எட்டிப் பறித்த பூவைப் போலிருக்கும் மின்மினிப் பனிமலரே.. என்னழகி..

நான்கிரண்டு வாழ்கை பொருத்தமும், நானும் நீயும் ஒரே சாதியும் , கட்டும் முறையோ கிராமத்து சொந்தமோ எல்லாம் இல்லை எதுவுமில்லை ..! அப்படிக் கணக்குப் போட்டுக் காதலிக்கும் அன்பும் எனக்கு பழக்கமே இல்லை .!

உன் தேவைகளை என் ஆசைகளாக்கிக் கொள்ளத் தெரியும்...!! அவ்வளவு தான்!

வேறெந்தத் தகுதியும் என்னிடம் இருப்பதாய் பெருமை பேசப்போவதில்லை நான்!

நீ அழகி ! நான் ????.... நான் அதை ரசிப்பவன்!... அவ்வளவே!

எவ்வளவோ மீறியும் ஒரே ஒரே ஒரு பேராசையை மட்டும் இதயத்தில் ரொம்ப நாட்களாய் ஒதுக்கியே சேர்த்து வைத்திருக்கிறேன்! ஆம்..,

உன் பெயருக்குப் பின் என் பெயர் போடும் ஆசைதான் அந்தப் ( பெயர் + ஆசை ) பேராசை !

பேராசை தீர்க்கும் நூறுபிறை மதியே , அழகி...!! என் வார்த்தைகள் பிடித்திருப்பின் உன்னோடு இதை பத்திரப் படுத்திக்கொள்! வாழவும் பிடித்திருப்பின் என்னையும் சேர்த்துப் உன்னில் பத்திரப் படுத்திக்கொள்!! முடிந்து போகும் புள்ளியாய் இல்லாமல் தொடர்ந்து நீளும் தொடர்ப்புள்ளிகளாக விழைகிறேன். உன்னுள் ! முடிவில்லாத அன்பினை பதிலாகவும் எதிர்பார்க்கிறேன்! கசக்கிப் போட என் அன்பு ஒன்றும் காகிதப் பூவில்லை என்று அசட்டுத்தனமாக நம்பும் அன்பான தலைக்கணம் கொண்டவன் நான் ..!!

என் எதிர்பார்ப்புத் திசுக்கள் யாவும் எதிர்காலம் உன் தோளில் தான் என்று சிரித்துக்கொண்டே ஆரூடம் சொல்கிறது !

(ஒரு வேல என்னய கிண்டல் கிண்டல் பண்ணுதோ ? சரி இருக்கட்டும் !) சேதிக்கு வருவோம்!

ஊருலகில் நிறைய காதல் கடிதங்கள் அனாதைகள் ஆக்கப்படும் சேதியை நீ படித்திருப்பாய் ! நம் பிள்ளைகளாவது இந்தக் கடிதத்தை படித்துப் பெருமிதம் கொள்ளட்டுமே!

உண்மையான அன்பு , நிராகரிக்கப் படுவது நிசமான பொய்தானென்று !!

Love you azhagi ....!!

அகர அகராதியில் காதல்

2010-09-14T19:31:00.001+05:30

அந்தமில்லா மெய்யுறைந்த

அர்த்தமுள்ள ஆதியே

ஆர் தந்த என் அத்தனை சுவாசமே,

அழகி!

இன்றைக்கு இன்னொடியில்

இதயத்தில் உதிரமாகத்தான்

என்றைக்கோ எங்கிருந்தோ

வந்து சேர்ந்தாயோ வான்மதியே!

இருமதி சுமந்த

புருவத்தின் நிழற்குடைக்காரி !

ஈடனோ ஏழையோ

இந்தப் பித்தன் எப்படியோ ,

பிரபா ,

இன்பன் நீஎன்றால்

ஈராட்டி நானென்றாய்!

உமையவள் தேவிஎன்

அழகிநீ பார்வதி !

எனைவந்து மேவியது
ஏ ழுசென்மப் புண்ணியமோ !?

ஊகித்தேன் உனைதினமும்

ஒருநொடியும் விடவில்லை !

உயிர்மெய்யின் ஊசிவேரில்

ஒவ்வோரிடமும் நீதானே ..!!

எகினன் எழுதிய எழுதாக்கிளவியே !

அன்பிற்கும் அழகிற்கும்

அத்தனைக்கும் நீதாண்டி!!

ஏசிநீ! என்னவள் நீ !

எதைநான்சொல்வேனோ

அதைநீயும் சொல்லிடுவாய்!

ஐதுநீ ! ஐஞ்ஞைநீ!
ஐந்தாம் வேதம்

காணாத அழகி நீ!

ஒட்டினர் எல்லாம்

போற்றிடும் பெண்மைநீ !

ஒப்பில்லா ஒருமதிநீ

உண்மையான அன்பழகி!

ஓதியுரைந்து வேண்டினாலும்

ஒருநூறு உலகம் தேடினாலும் ,

ஒருவர்க்கும் எட்டாத அன்புசாமி - நீ!

எனக்குமட்டும் கிடைத்த

என்னழகு செல்லக் கிறுக்கி!

ஔவியம் பேசாதோர்
யார்தான் எவர்தான் !

அழகு தேசத்து மகராணிநீ!

அடியேன் கிறுக்கன்

என்னைப்போய் காதலித்தாய்!

அஃதாவது என் அன்பு செய்தப் புண்ணியம் !

* * * * * * *
அகராதி :
* * * * * * *
ஆர் - காற்று ,

ஈடன் - பணக்காரன் , செல்வந்தன்

இன்பன் - கணவன் ,

ஈராட்டி - மனைவி ,

மேவியது -ஆசைப்பட்டது ,

ஊகி - எண்ணுதல் , நினைத்தல்

ஊசிவேர் - ஆணிவேர் (rootlet),

எகினன் - பிரம்மன் (lord brahmma),

எழுதாக்கிளவி- வேதம்,

ஏசி- கிளி (parrot),

ஐது, ஐஞ்ஞை- அழகி, (beauty),

ஔவியம் - பொறாமை,

அழகி எழுதிய முதற் கவிதை

2010-09-01T10:04:00.001+05:30

ஏற்றமும் இரக்கமும்

மாற்றமும் வேண்டாம்

கோடியும் லட்சமும்

கொஞ்சமும் வேண்டாம்

சதையில் வேண்டாம்

சிவப்போ வெளுப்போ

சாதியிலும் வேண்டாம்

உயர்வோ தாழ்வோ

ஆறடி நீயோ

அரைஒன்று குறையோ

எப்படி இந்நொடி

இருக்கிறாய் நீயோ

அப்படி வேண்டும்

அத்தனை பிறப்பும் !

அரண்மனைப் பிறப்போ,

அனாதைப் பிறப்போ

எங்கு எப்படி

என்னிலை நானோ

எல்லாம் இழப்பேன்

சோறு வேண்டாம்

சுகம் வேண்டாம்

சொந்த பந்தம்

ஒன்று வேண்டாம்

அன்பு போதும்

அது போதும்!

எத்தனை பிறப்போ

அத்தனை பிறப்பும் - நீ

அழகி அழகி

என்-றழைப்பது போதும்

அன்புக்கிருக்கா

அழகுக்கிருக்கா .,

உன்னுடன் இருப்பது

நொடியோ நிமிடமோ

வாரமோ வருடமோ

ஒருசுகம் போதும்- நீ

ஒருவனே போதும்

உன் தோளில்

வெண்ணிலவாய்

உனக்கொருத்தி

நான் போதும் ..!!

என்நெஞ்சில்

ஒன்றோடொன்றாய்

உறவாட ஒரு சேய்

நீ போதும் பிரபா ...!!

Thanx for your wonderful lines azhagi..!!

அன்பிற்கும் உண்டாம் அடைக்கும்தாழ்

2010-08-29T12:33:00.001+05:30

பிறவிப்பயனை பெறாமல் நோகும்

என் ஆட்காட்டி விரலில் - சுட்டி

அழகி இவள்தான் ,

என் அழகி இவள் தான் என்று

கேட்கிற அனைவரிடமும்

சொல்லி மகிழ வேண்டும்

போல இருக்கிறது ..

ஆனால் உன்

அன்புக்கட்டளைக்குள்

அடைபட்டுக் கிடக்கிறேனே

அழகி .,

ஏன் ? நீ என் ' பொண்டாட்டி '

என்பதைத் தவிர

வேறு எதையும் யாரிடமும்

சொல்ல வேண்டாம்

என்று தடுக்கிறாய் ?

ப்ச்ச்ச் ....!!! போடி .!

ஒன்று மட்டும் நிச்சயம் அழகி !

இயற்கையின் அழகிற்கு ...

நம் காதல் -

ஒரு முன்னேற்ற மயில்கல்.!

ஊருக்கு சொல்லமுடியாமற் போன

நம் அன்பின் உன்னதமோ

இயற்கையின் அழகை

குறுக்கிட்டு மறிக்கும்

மதில்சுவர் தடங்கல் ..!!

ஒரு வேப்பங்குச்சி உயிர்பெறுகிறது

2010-08-24T23:57:00.008+05:30

சம்பவம் நிகழ்ந்த இடம் : திருச்சி மலைக்கோட்டை இரயில் நிலையம்

நேரம் : ஒரு மணி வண்டிக்கு ஐந்து நிமிடம் இருக்கிறது !

"ஊரெங்கும் முடிந்து விட்டதாம்

அரங்கேற்றம்! என்னை

உயிரெடுக்க வந்துவிட்டது

காற்று "

என்று புலம்பிக் கொண்டிருந்தது

மரநிழலில் ஒடிந்து கிடந்த

ஒற்றை வேப்பங்குச்சி!

என்னைப் பார்த்ததும் அது

மண்ணை ஈரமாக்கி

மேலும் அழ ஆரம்பித்தது..

அட நிறுத்தடி! கிறுக்குபய குச்சியே,

என்று சொல்லிக்கொண்டே புழுதித்

தரையில் அமர்ந்தேன்.!

விதி ஒடித்த தன் நிலையை

வேதனையாய்க் கதை சொன்னது ..!!

எல்லாம் விதிதான் எதற்கிந்தப் புலம்பல் ?

விடுவிடுவென ஆறுதல் சொல்லி

விறுவிறுவென
ஏந்திய குச்சியில்

கட கடவென எழுதி முடித்தேன்
மண்ணில்!

"அழகி "

என்று உன் பெயரை

அழகு கொஞ்சமும் குறையாமல்..!

அப்பாடா..!

வேப்பங்குச்சியின் விதி

புதுபிக்கப்பட்டது!

உன் பெயரெழுதிய காரணத்தால்

அது

என் மர(அலமாரியில்)

பொக்கிசமாக்கப் பட்டது !

DESTINY is that which tries to DIVIDE us!

DIVINE LOVE is that which dies to UNITE us!

இல்லாமையில் இருக்கிற உண்மை - ஒரு உண்மை சம்பவம்

2010-08-21T13:43:00.005+05:30

பிரபா ..

எனக்காக ஒரு கவிதை சொல்லேன்

என்று கேட்டாய் நீ!

திடீரென்று கேட்டதால்

திக்குமுக்காடிப் போனேன் நான்!

( சரி எதாச்சும் மொக்க போடுவோம்)..

சொல்கிறேன் கேள்!

ஒன்றும் ஒன்றும் இரண்டென்றேன்!

சரி என்றாய் !

இரண்டும் இரண்டும் நான்கென்றேன்!

சரிசரி என்றாய்!

நான்கும் நான்கும் எட்டுடி நாயே என்றேன்

செல்லமாக!

"பிச்சுபுடுவேன்" என்றாய் அதற்குமேல்

செல்லமாக!

எட்டும் எட்டும் எத்தனடி என்று கேட்டேன் !

பதினாருடா பண்ணி என்றாய் !

முடிந்து போனது கவிதை

முத்தம் கித்தம் தர்றது

என்று கேட்டேன்!!

முரட்டுப் பார்வையில்

சிரித்தே சிதறடித்தாய்!

எனக்கு

முன்னூறு முத்தம்

பெற்றதைப் போல் இருந்தது!

இப்படி கிறுக்குத் தனமாய்

கவிதைகள் எழுதுவது நான் மட்டும் தான் என்றால்

கிறுக்குத்தனத்தில் உறைந்து கிடக்கும்

அத்தனை காதலையும்

உணரக்கூடியவள் நீ மட்டும் தான் அழகி .!

அன்புக்கோழை -அழகியின் நினைவில்

2010-08-17T22:29:00.005+05:30

அழுகிற முகமெலாம்
கோழைத்தனத்தின் முகவரி தான்!

யார் இல்லையென்றது ?

நாம் அருகிலிருந்த நொடி எல்லாம்

காற்றில் தூசியாகி கைவிட்டே போய்விட்டது.!

நகர்கிற நிசிகளில் தூக்கமென்பது

தொடரும் பகல் கனவாகி விட்டது.!

தொலைவுகள் கடத்திசென்ற அழகியின் குரல்

அரைமாதத்திற்கு ஒருமுறை கேட்கிறது!

"கிறுக்கா.! .....

என்று தொடங்கும் அந்த வீணையோசை

எனக்கே தெரியாமல் என் கண்களை அறுத்து

இதயத்தை கோழையாக்கிவிடுகிறது..!!!

ஆம்.!

அழுதுவிட்டேன்! அன்புக்கோழை .!

என்னசெய்ய நான் ?

உப்புக்கண்ணீரும் உனக்காக அழும்போது

இனிக்கத் தானே செய்கிறது! அழகி!

சாதிகள் வாழ்கிறது ! சாவதென்னவோ அன்புதான்!

2010-08-06T01:22:00.007+05:30

விடியல் தொடங்கி முடியும் இரவு வரை

வெள்ளைப் பெட்டிக்குள் என்

உலகமே உறைந்து கிடக்கிறது !

செயர்க்கைகோள் விளையாட்டில்

சிகரமே அடைந்து கிடக்கையில் நம்

சேர வஞ்சிக்கு மட்டும் விதிவிலக்கோ அழகி ?

நன்றாகவே தெரிகிறது நீயும் நானும்

வாழ்ந்துகொண்டிருக்கும் தெருத்தடம்!

கூகுள் மேப்சில் இத்தனை ஊரிருக்க

குற்றமென்று நம் அன்பை சொன்ன

இந்த ஊரிலா நாம் பிறந்திருக்க வேண்டும்?

சாதிகளும் சண்டைகளும் இல்லாத

ஊரினில் பிறந்திருக்கலாம் .,

சாகும் போதும் உன்

மடியினில் கிடந்திருப்பேன்.!

அரிவாள்கள் அன்பை எதிர்க்கும் கொடுமை

எந்த ஊரினில் இல்லையோ அங்கு

பிறந்திருக்கலாம் நாம்..!!

அறுபது ஆண்டடுக்கு பிறகு

வரலாறாகி இருக்கும் நம் அன்பு .!

மானம் மரியாத சாதி சனம்

கோத்திரகுலமேன்று

சேற்றினில் கலக்க படுகிறதே ..!!

செந்தாமரைக் காதல்கள் .!

அது இல்லாத ஆயிரம் ஊரினில்

ஏதாவது ஒன்றினில் பிறந்திருக்கலாம்..!

மத்திய அரசு வேலையும்

மாதம் முப்பதாயிரமும் போதும்!

மாப்பிள்ளை தங்கமாமே.!??

காசும் பணமும் இல்லையெனில்

காதலும் குணமும் பித்தளையாம் ..!

ச்ச்ச்சீ !

இந்தக் கன்றாவிகள் இல்லாத ஊரினில்

நாம் பிறந்திருக்கலாம்!

ஆணும் பெண்ணும் கைகோர்த்து நடந்தால்

ஆட்டம் போடுது பார் " சிறுசுகள் "

என்கிறார்கள் - அந்தச்

சிறுசிலிருந்து வந்தப் பெருசுகள் .,

சில்லறைத்தனமாக பேசும் பேச்சுக்கள் நம்

செவிகளுக்கு எட்டாத

ஏதாவது தேசத்தில் பிறந்திருக்கலாம்!

சதை உணர்விலா அன்பு-அது

இது எனத்தெரிந்திருந்தும்

சவுக்கிலடித்துப் பிரித்துவைக்கும்

சாதிகள் இல்லாத நாட்டில்

சோறு தண்ணி இல்லையெனினும்

பரவாயில்லை .!

ஒருநாளேனும் வாழ்ந்துவிட்டுச்

மடிந்திருக்கலாம்.!

கணவன் மனைவியாய் !

சாதிச் சுடரில் ஒளிர்கிறது இந்தியா !!

சப்தமில்லாமல் எத்தனையோ

காதல்களை சாகடித்து !

உதவாக்கரைக் காதலன்

2010-08-03T00:11:00.008+05:30

ஒன்றை .,

எதற்குமே உதவப்போவதில்லை

என்று தெரிந்திருந்தும் ,

சிலசமயம் "அது வேண்டும் " என்று

குழந்தைத்தனமாய் கேட்பாய்..!

நன்றி அழகி !

உன் குழந்தைத் தனத்தினால்

வாழவைக்கப்பட்ட பலவற்றுள்

நானும் ஒருவன்!

என்னையும் நீ அப்படித்தானே

கேட்டாய்!

" பிரபா., நீ வேண்டுமென்று ! "

அழியும் ஒரு நாள் நிலவு - அன்றே நானும் கூட!

2010-07-31T13:11:00.000+05:30

உன்னை என்றுமே
மறக்கப் போவதில்லை !!

என்று நான் எத்தனை
பொய்க்கவிதை எழுதினாலும்
நீ படித்துவிட்டு பிடித்திருக்கிறது
என்று தான் சொல்லப்போகிறாய்!

இப்போதாவது நிசம்
என்னவென்று கேள்! !

உன்கூடவே இருக்கவேண்டும்
என்ற என் ஆசை ஒன்றும்
கடைசி வரைக்கும் இல்லை அழகி ! !

நாளை, நிலவும் சூரியனும் வானிற்கு
அழகு சேர்க்கப் போவதில்லை
என்று சேதி வரும் நாள் வரைக்கும் மட்டுமே!!

ஆறு பில்லியனில் அன்பிற்காக ஒரு தேடல்..

2010-07-28T10:49:00.001+05:30

ஆறு பில்லியன் உயிரினங்களில் இல்லாத

எந்த அம்சத்தை நீ சொந்தமாக்கிக் கொண்டாயோ...?

என் அத்தனை துடிப்புகளும் உனக்காக மட்டுமே

தொடங்கி முடிகிறதே அழகி...!!

ஒரு ஊஞ்சலின் புலம்பல்!

2010-07-23T10:30:00.001+05:30

உயிருக்குள் உணர்வாகவும்

உணர்வுகளுக்குள் உயிராகவும்

என் விதிக் கவிதையில்

கடைசி வரை நிலைக்கப் போகும்

முற்றுப்புள்ளியே !

என் முழுநிலவு அழகியே! கேள்..!!

நீயும் நானும் ஊருக்கு தெரியாமல்

ஓடிபிடித்து விளையாடிய இடத்திற்கு

நெடுநாட்களுக்கு பின்

நேற்றுதான் சென்றிருந்தேன்!

ஆலமர விழுதில்

அன்று யார் முடிச்சோ?

அந்த ஒற்றை ஊஞ்சல்

வாழ்வதற்கு பயந்து

தொங்கிவிட்டது கயிற்றில்!

உயிரில்லாத ஊஞ்சல்களின்

அருகில் நின்று பார்த்தேன்!

லேசாக அசைந்த ஊஞ்சல்.,

தான் உயிரோடிருக்கும் சேதியை

என் செவிகளுக்குள்

காற்றாகிச் சொன்னது..!

காற்றில் அசைந்த கட்டை ஊஞ்சல்

என் நினைவுகளை இடித்து

சட்டைக் காலரை பிடித்துக் கேட்டது..!

என்மடியில் அவளும்

அவள் மடியில் நீயும் அமர்ந்து

அழகு சேர்த்த நாட்களை

எங்கே தொலைத்துவிட்டாய்?

"எங்கடா உன் அழகி..??" என்றது ..!

ஊஞ்சலின் கால்களில் வீழ்ந்து

அவள் பாதச் சுவடுகள் அன்று

உதைத்த மணல்களின் மடியில்

இருவரி எழுதிவிட்டு எழுந்தேன் ....!

மன்னித்து விடு ஊஞ்சலே..!

உன் கேள்விகளுக்கு!

என்னிடம் மௌனத்தில் கூட பதில் இல்லை..!

அந்த ஒரு நிமிடம்

2010-07-18T22:52:00.001+05:30

அந்த ஒரு நிமிடம் !

சாத்தியம் தான்

என்று என்னோடு

சண்டை போடுகிறது மனம் !

நம்மை சுற்றி இருக்கும்

உலகம் இன்னும் அழியத்

தொடங்கவில்லை!

நம் இதயம் ஓய்ந்து

நிற்கப்போகும் நொடியும்

ஒன்றும் அருகிலில்லை!

இப்பவும் உன் கண்களைப்

பார்த்த நொடியில்

அழுகை வரும்!

அடுத்த நொடியிலேயே

என்னை சிரிக்க வைக்க

உனக்கும் தெரியும் !

ஒருகையில் என் கண்களைத்

துடைத்துக்கொண்டு

மறுகையால் உன்

கைகளைப் பிடித்துக் கொண்டு,

உன்னைக் காதலிக்கிறேன் என்று

சொல்வதற்கு நேரமிருக்கிறது!

"நீதான் இல்லை"

"எல்லாம் இருந்தும் எதுவுமில்லை "

என்ற பழமொழிக்கு .,

அர்த்தம் தெரிய வைத்தமைக்கு
நன்றி! அழகி !

அழகி - நினைவுகள் நடத்தும் டூரிங் டாக்கீஸ்

2010-07-17T02:28:00.007+05:30

என் நினைவுகள் கட்டிய டூரிங் டாக்கீஸில் தினமும் இரவு நேரக் காட்சி நீ ! மூன்று மணிநேரக் காதல் முடிந்ததும் சுவர்க்கடிகார முள் காட்டும் நேரம் " ஒன்று "! நம் பிரிவை தாமதமாய் அறிந்த விதியும் இப்போது நம் அன்பைப் பார்த்தால் அழுதுவிட்டுப் போகும்! அப்படிப்பட்ட உன் பிரிவிற்குப் பின் என் இரவெனும் பகலை எப்படிக் கடக்கிறேனென்று நீயே பார் அழகி!

மணி 1 : 20 : நான் இன்னும் தூங்கவில்லை

மணி 1 : 21 : அனுமதி இல்லாமல் என் நினைவுகளை திரும்ப வந்து ஆக்கிரமிக்கிறாய்

மணி 1 : 22 : நீ முதன் முதலில் என் விரல்களை பிடித்த நினைவுகளை அசைபோட நினைவு படுத்துகிறாய்!

மணி 1 : 23 : என் கறுப்புக் கைகளை உன் வெண்ணிறக் கரங்கள் பிடிக்கையில் நம் கண்கள் பேசிக் கொண்ட மொழி எனக்கு ஞாபகம் வருகிறது!

மணி 1 : 24 : நான் சிரிக்கிறேன்!

மணி 2 : 00 : நான் உன்னோடு இருக்கையில் உனக்கு ரொம்ப பிடித்த பொழுதுபோக்கு! என் தொடைகளை கிள்ளி வைப்பாய்!உனக்குப் பிடிக்கும் என்று வலியை மறைக்க நினைத்தாலும் வழி தாங்க முடியாமல் கத்தியிருக்கிறேன்! உன்விரல்கள் என்மேல்பட நான் எவ்வளவு வரம் வாங்கியிருக்க வேண்டும்!

மணி 2 : 25 : மறுபடியும் உன் நினைவுகள்

மணி 2 : 45 : உன் தோள்களில் சாய்ந்துகொண்டு உன் உதடுகளை வருடிக்கொண்டிருந்தேன்! என் விரல்களால்!

மணி 3 : 00 : விழிப்பதற்கு சத்தியமாய் எந்தத் தெம்பும் இல்லை! தூங்கச் சொல்லும் அப்பாவின் அதட்டல்களை மீறி இன்னமும் நான் விழித்து தான் இருக்கிறேன்!

மணி 3 : 45 : சாமி சத்தியமாய் இன்னும் தூங்கவில்லை!

மணி 4 : 00 : நீ ! நீ ! நீ மட்டுமே!

மணி 5 : 00 : என்னோடு நீயில்லை என்று இப்போது தான் நினைவிற்கு வருகிறது! கூடவே அழுகையும்!

மணி 6 : 05 : எப்படியோ என் நினைவுகளை விட்டு வெளியேறி விட்டாய்! ஆனால் கொஞ்ச நேரத்தில் இதயக்கொட்டகையில் வந்தமர்ந்து கொள்கிறாய்!

மணி 7 : 00 : அப்பாடா ! எப்படியோ தூங்கிவிட்டேன்!

மணி 8 : 20 : கல்லூரிக்கு சென்றுகொண்டிருக்கிறேன் !

உன்னை விட மற்றவரிடம்!

2010-07-16T11:07:00.000+05:30

சிலநேரங்களில் உன்னைவிட

இன்னொரு பெண்ணிடம்

அதிகம் பேசவேண்டும்

போலத்தான் இருக்கிறது..!!

ஆம்..!

பேசுவது உன்னைப்பற்றி

மட்டுமாய் இருந்தால்!

கணக்கு நோட்டுக் காதலி !

2010-07-14T01:25:00.001+05:30

எத்தனையோ திமிங்கலங்கள்

உலகினில் இருந்த போதும்

ஏனோ இந்தச் சின்ன மீனைநீ

இரசிப்பதாய்ச் சொன்னாய்!!

சாதிமதம் காசுபணம் ,

செகப்பு வெள்ளை கறுப்பென்று,

கணக்குப் போட்டுக் காதலிக்கும்

இந்தக் காலத்துக் காதல்-உனக்கு

சுட்டுப்போட்டாலும் வராது போல

அழகி!

Thanks for filling me in every single pages of your life !! Love you azhagi. . .!!

காலக் கண்ணாடியில் காதல் பிம்பங்கள்

2010-07-13T23:44:00.001+05:30

உன் நினைவுகளைக்

கண்ணாடியில் காட்டிப்பார் !

என் கைகளைக்

கட்டியணைத்துக் கொண்டு ,

'விடமாட்டேன்' என்பது போல்,

உன் வீட்டு கதவுகளை நீ

அடைத்த நேரங்களின் பிம்பங்களை ,

நீஎனை விட்டுப் போனபின்பும்

இன்றும்கூட பிரதிபலித்துக்கொண்டு

தான் இருக்கிறது ..!!

இது,

கடந்துபோன காலக் கண்ணாடியில்

முடிந்து போன காதல் பிம்பங்கள் !

ரசித்த கனவு !

2010-07-13T01:34:00.002+05:30

நான் கண்ட கனவுகளிலேயே எனக்கு மிகவும் பிடித்த கனவு

"நீ " மட்டும்தான் ! ஆம்! நினைவை விட்டு மறக்காத கனவு

நீ மட்டும் தான் அழகி!

உன்னைப் பிடிக்கும் நொடிகள்

2010-07-13T01:20:00.002+05:30

இரண்டு தருணங்களில் ஏனோ

உன்னை ரொம்பவும் பிடித்துப் போகிறது

ஆம் .,

1 . கனவுகளிலும் ! 2 . நிஜங்களிலும் !

Possessiveness எனும் காதல்!

2010-07-12T23:40:00.006+05:30

விதி எழுதிய பிரிவுக்கவிதையில் ,

சோகம் சுமந்த சுகங்கள்

நீயும் நானும் தான் அழகி !

சிரித்துக்கொண்டே

பிரிவை ஏற்றோம் !

பிரிவிற்கு முன் ஒரு நாள் ...

எனக்குத் திருமணமான பின்பு

கண்டிப்பாய் பெண் குழந்தை

தான் பிறக்க வேண்டும் !

அதற்கு "அழகி" என்று

உன் பெயரையே

வைத்து விடுகிறேன் அழகி

என்றேன்!

ஏதும் பேசாமல் வாயடைத்தவள்

போல் நீயோ சொன்னாய் ...

" நான் மட்டும் தான பிரபா

உன் அழகி ...!???? "

என்று...!!

சரிதான் மன்னித்து விடு!

உன்னை ஒருநிமிடம்

பிரியப் பார்த்தேன் !

பெண்களின் உறவிற்கு

எத்தனை பெயர் இருக்கிறதோ

அத்தனை பெயரும் எனக்கு

நீமட்டும்தான் அழகி..!!

காதல் - கொஞ்சம் உண்மைகள்

2010-07-11T23:59:00.002+05:30

உணர்ச்சிகளிலிருந்து உயிரைத்
தட்டிஎழுப்பும்து இந்தக் காதலில் தான்
எத்தனை உண்மை இருக்கிறது !

ஆசையில் வழி மாறியவனுக்கு

அன்பினால் வழி காட்டுகிறது! -அது !

நம் எதிர்பார்ப்புகளின் முகவரிக்கு
எத்தனை இடர்வரினும்
கொண்டுசேர்த்து விடுகிறது!
கொஞ்சம் கொஞ்சமாய் நம்
அன்பு காட்டும் பாதையில்!

இதயத்தில் சிலநேரம்

தீவிதைத்துப் போகிறது!

இருந்தும் நேரமுள் அது நகர நகரl

நெருங்கி வந்து நீரூற்றியும்

அணைக்கிறது அன்பு!

பிரிவின் தொடக்கத்தில்
அழ வைக்கிற காதல் தான்! பின்
பழைய நினைவுகளாய் மாறி
சிலிர்க்கவும் வைக்கிறது!

நீ கொடுத்த காதலும்
இப்படித்தான்! அழகி!
நான் உனக்குக் கொடுக்க நினைப்பதும்
இதே காதலைத்தான்!

செல்வி.நிலவு - என் தூரத்து சொந்தம்

2010-07-06T18:28:00.005+05:30

ஊருக்கே விடிந்தாலும்

உனக்கு மட்டும்

விடிந்தே தொலையாதே!?"

என்ற என் அன்னையின்

இருவரி சுப்ரபாதத்துடன்

இனிதே தொடங்கியது

நேற்றைய நாள் !

எல்லா பாடல்களையும் கேட்டு
மனதிற்குள்ளேயே சிரித்துவிட்டு
போர்வை விளக்கினேன் !

அங்குமிங்கும் நட்டுவைத்த
நாற்றைப்போல நிமிர்ந்து
நின்றுகொண்டிருந்த தலைமுடியை
அரைநிமிடம் சரி செய்தும்
அடங்கவில்லை அது !

போராடியது போதும்
பொங்கி எழு என்று
எப்படியோ எழுந்துவிட்டுத்
திரும்பினேன்!

அடக்கொடுமையே!
யாரோ ஒருத்தி
என் பின் அமர்ந்துகொண்டு என்னையே
பார்த்துக்கொண்டிருந்தாள்!

சிரிப்பை மறைக்க அவளுக்கு
ஒரு கைக்குட்டை போதவில்லை
போலத்தான் தெரிந்தது!

தூங்கிக்கொண்டிருக்கும் என்
அத்தனை அசைவுகளையும்
அசராமல் பார்த்து சிரிப்பதற்கே
வந்திருப்பாள் போல!

சும்மா சொல்லகூடாது !

செம அழகி தான் அவ !

அப்பா..! சாமி!
எப்படியோ அவளை கடந்து சென்று
குளியலறைக்குள் நுழைந்து
தாளிட்டுக்கொண்டேன்.!

குளியலறைக் கண்ணாடி

காட்டிய என் முகம்

என்னைக் கண்டபடி கிச்சு கிச்சு

மூட்டி சிரிக்க வைத்தது!

என்னை மறந்து நானே
என்னை சிரிக்கவைத்து விட்டேன்!

பின் ரொம்பநேரம்
வழக்கம் போலவே
வெட்டியாய் என் கணினியின் முன்
தீர்ந்து கொண்டிருந்தது !

சோறு , காப்பி , டீ, ஏதும்
கிடைக்காது போலத்தான்
தெரிகிறது இன்று!

சமையற்கட்டில் ,

என் சுப்ரபாதத் தாயும் .,

என் திருப்பள்ளி எழுச்சியை

ரசித்த ஆண்டாளும்

அரங்கேற்றிய அரட்டையில்

என் பசி ஒரு பத்துப் பதினைந்து
மயில்களுக்கு அப்பால் போயிருக்கும் !

ஆனால் ஏனோ அந்த
முகம் தெரியாத
அழகிக்கு மட்டும்
அத்தனை உபசரிப்புகள் !

எல்லாம் முடிந்து
அவள் கிளம்பிய பின் கேட்டேன் !

"யாரும்மா அந்த புள்ள ?" என்று !
"தூரத்து சொந்தம் டா" என்று சொன்னார்!

சரிதான் !

"நிலவு" ஒரு வகையில்

தூரத்து சொந்தம் தானே!

அழகிய முற்றுப்புள்ளி

2010-07-02T00:44:00.002+05:30

பிறையிடை சுமந்துநீ

தரணிக்குத் தவறிவிழுந்த

நிலவென்றேன்!

போய் வேற வேலையிருந்தா
பார் ரா என்றாய் !

பார்த்த நொடியிலேயே

பற்றித்தான் கொண்டது

காதல் என்றேன் !

கவிதையில் பொய் எழுதிய
காலம் போய் இன்று
பொய்யையே கவிதையாய்
எழுத ஆரம்பித்து விட்டாயோ என்றாய் !

நாணத்தில்நீ

நான்கு விரல்களையும்

பிசையும் அசைவினில்

நான் பார்த்த அழகினை

யார் பார்த்திருக்கக் கூடுமென்றேன்!

போதும் நிறுத்து உன்
பொல்லாத பெண் பெருமையை என்றாய் !

கருப்புவானக் கூந்தலில்

நூலில் கட்டிய கால்முழ நிலவாய்

இடம்பிடித்திருந்த மல்லிகையைக் கேட்டேன் !

மாற்றான் தோட்டத்தில் இந்த

ம(மா)துவுடன் சேர்வதற்குத்

தவமிருந்த கதை சொன்னது !

பூக்களின் இளவரசியின் கிரீடத்தில்

இடம்பிடிக்க எந்த மலருக்குத்தான்

ஆசை வராது என்று சொன்னேன் !

தாங்க முடியவில்லை!
தயவுசெய்து கவிதையை முடி என்றாய்!

கார்மேக வெள்ளைநிலா

பார்த்திருக்கிறோம்

வெண்மேக கருப்புநிலா

யார் பார்த்திருக்கக் கூடும்?

நான் பார்த்திருக்கிறேன் உன்

கண்களுக்குள் என்றேன் !

முடியலடா ! போதும் என்றாய் !
இரண்டே வார்த்தையில்!

சரி போதும் பிழைத்துப்போ !

முற்றுப்புள்ளி வைத்து விடுகிறேன் !

உன் அழகிற்காய் கன்னத்திலும்

அதை சொன்ன என் கவிதைக்கும்!

நச்சுனு! 101 ஒரு காரணங்கள் - நான் ஏன் உன்னை காதலிக்க வேண்டும்!

2010-06-23T12:34:00.010+05:30

Admired and penned By Karur Prabha @ Anaadhaikathalan

நான் தொடங்கிய வார்த்தைகளை என்னை விட அழகாகவே முடிக்கிறாய்!! முந்திக்கொள்பவன் நான்என்றால் முற்றுப்புள்ளி நீயாகஇருக்கிறாய்!
என் அன்பு பேசும் மொழிகளை என்னோடு பகிர்ந்து கொள்கிறாய்! பின் நீ, நான் என்னும் ஒருமை ,பன்மையாகிப் போகிறது !
மற்றவர்களிடம்.., ஏன் உன்னிடமே நீ என்னை விட்டுக்கொடுப்பதில்லை! நானென்றால் உனக்கு அவ்வளவு பிரியம்!
உன்னையும் நான் எங்குமே விட்டுகொடுக்காமல் பேசும் என் உள்ளுணர்வு பிடித்திருக்கிறது !
ஆயிரம் வாட்ஸ் ஓரவிழிப் பார்வையில் அசராமல் என்னை சாய்க்கும் உன் பார்வை!
மைவிழிக் குடைக்குக்கீழ் மலர்ந்திருக்கிற நிலவு (கண்கள்)! கண்ணிமைக்காமல் கனம்ஒன்றும் அதை பார்க்கப் பிடிக்கும்!
நீயும் உன் நினைவுகளும் இல்லாத நாட்களில் என் உயிர்போன இதயத்தின் "இல்லாத துடிப்புகள்" பிடித்திருக்கிறது !
என் வழியில் நானுனை கூட்டிச்செல்லும் போது எங்கோ நீ தொலைந்து விடுகிறாய் !எனக்கும் பாதை மறந்து விடுகிறதே! உன்னைத் தேடும் தேடல் பிடிக்கும்!
மாலைநேரக் கடற்கரை மணலில் நானும் என் நிலவும் சேர்ந்து ரசிக்கிற சூரிய அஸ்தமனம் ! கோடி கொடுத்தாலும் கொஞ்சம் கூட வேறெங்கும் கிடைக்காத சுகம் அது !
நிலாக்குளிர் நீளும் வரை நீளும் நம் கைப்பேசி உரையாடல்கள், விடிந்த போதும் விடாமல் தொடரும் அழகு பிடிக்கும்!
என் இன்பதுன்பங்கள் யாவும் உன் தோள்களில் மட்டுமே பாரமாக வேண்டும் என்ற உன் கோரிக்கை! பிடித்திருந்தது !
என் வாழ்கை துணைக்கான தேடல் பட்டியலில் எல்லா இடங்களையும் நீயே ஆக்கிரமித்த உரிமை! பிடிக்கும்!
உன்னோடு நானும் என்னோடு நீயும் இருக்கும் போது ! நம்மோடு நாம் என்று மாறிவிடுகிறோம் நாம்! அது பிடிக்கும்!
நான் உன்னைப்போல அழகில்லையேடி! ஏன் என்னை போய் தேர்ந்தெடுத்தாய் என்று நான் கேட்ட போது ! நான் உன்னோடு இருந்தால் நீ என்னை விட அழகு என்றாய்! கிறுக்கி ! அந்த நிமிஷத்தை நான் எப்படி மறக்க முடியும் ?
நிலவிற்கு சிரிக்கத் தெரிந்தால் அது கண்டிப்பாய் உன்னை போலத்தான் சிரித்திருக்கும்! உன் கள்ளசிரிப்பென்றால் எனக்கு கொள்ளை ஆர்வமடி அழகி!
எல்லோரையும் போலவே நமக்குள்ளும் சண்டை வரத்தான் செய்கிறது ! பிடிவாதம் யாருடையதாய் இருந்தாலும் விட்டுக்கொடுப்பவள் நீயாக மட்டுமே இருக்கிறாய்! எனக்காக மட்டும் !
உனக்கும் எனக்கும் அடிக்கடி போட்டிகள் வருகிறது ! உன்னை விட்டுக் கொடுத்து என்னை ஜெயிக்க வைக்கிறாய் நீ ! மனைவியின் இலக்கணம் நீதாண்டி கிறுக்கி!
என் கண்களும் இதயமும் விழித்திருந்தால் அப்போது உன் நினைவுகள் மட்டுமே எங்கும் பிராதானமாய் இருக்கிறது ! இந்தப் புதிரான காரணம் பிடிக்கும்!
உனக்கு எதெல்லாம் பிடிக்காது என்று எனக்கு தெரிவிக்கும் ஆசிரியன்! - "உன் கோபம்"! அது ரொம்பவே பிடிக்கும்!
ஒரு வார்த்தை கூட பேசாமல் பேசும் உன் திறமை எனக்கு இல்லையே! அது பிடிக்கும்!
நாமிருவரும் எதிரெதிரில் கடந்து போகும் போது ! நாம் இருவரும் பேசநினைக்கும் வார்த்தைகளை நமக்கு முன்னே நம் கண்கள் பேசி விடுகிறதே! அந்த நுட்பம் பிடித்திருக்கிறது!
கண்ணுக்கெட்டாத தூரத்தில் இருந்தாலும் என் கைவிரல்களுக்குல்லேயே இருக்கிறது உன் வாசம்! அது நிறைய பிடிக்கும்!
என்னை விட நீ வசதியேடி? எப்படி நமக்கு ஒத்துவரும் என்றேன்! ஆயிரம் கோடிக்கு நான் அதிபதி என்றாலும் உன் அன்பிற்கு முன் நான் இரப்பவள்(பிச்சைக்காரி) தான் என்றாய்!கொன்னுட்டடி அழகி !
ஒரு ஓவருக்கு எத்தனை பந்துகள் என்றுகூட தெரியாத போதிலும் ! என்னோடு சேர்ந்து மட்டை விளையாட்டை ரசிக்கிறாய்! எனக்கு பிடித்தது உனக்குப் பிடிக்காமல் போய்விடக்கூடாதே ! என்னை புரிந்துகொண்டமைக்கு நன்றி டி .!
என்னுடைய நண்பர்களை என்னைபோலவே நீயும் புரிந்து வைத்திருக்கிறாய்! அது பிடிக்கும்!
எனக்கு பிடித்தவைகளை மட்டுமே உனக்கும் பிடித்தவைகளாய் மாற்றிக்கொண்டாய் ! நான் கொடுத்துவைத்தவன் டி அழகி.!
பொறாமைக்கோ, கர்வத்திற்கோ, நம்மிடம் வேலையே இல்லை ! இதைவிட வேறென்ன வேண்டும்!
போடி வாடி என்று யாரழைத்தாலும் பிடிக்காதென்று சொன்னாய்! உன்னை பார்த்த நொடி முதலே அப்படித்தானே கூப்பிட்டுக்கொண்டிருக்கிறேன்! எனக்கு நீ கொடுத்த " விதி விளக்கு " நம் காதலை ஊருக்கு முரசடிக்கிரதடி.!
யாருடைய அதட்டலுக்கும் அசராத நானோ உன் அன்பிற்கு முன் அடிமையானது எப்படியோ தெரியவில்லை! அது பிடிக்கும்!
யாருடைய அதட்டலுக்கும் அசராத நீயும் என் அன்பிற்கு முன் அடிமையானது எப்படியோ தெரியவில்லை! அதுவும் பிடிக்கும்!
நேரில் கேட்பதற்கு நேர்மாறாய் தொலைபேசியில் கேட்குமுன் வசீகரக் குரல் பிடித்திருக்கிறது !
"கிறுக்கா!" யார் கண்டுபிடித்தானோ தெரியவில்லை இந்த வார்த்தையை! நீ என்னை இப்படி அழைக்கையில் எழும் சந்தோஷத்தை நான் சொல்ல வார்த்தை எந்த மொழியிலும் இல்லை!
நாமிருவரும் இணைந்திருக்கையில் நமக்குள் இருக்கும் 'ஒருமை" பிடிக்கும்!
காற்றைப் போல மேன்மயானவலும் நீ! புயலை போல வலியவலும் நீயே! அது பிடிக்கும்!
காதல் திரைப்படங்களின் வசனங்கள் நம்மிடம் தோற்றுப் போகிறதை நாம் உணர்ந்திருக்கிறோம்! நம் ஒருநாள் சண்டையே ஒரு படமாக எடுக்கலாம் அழகி!
என் உயிரோட்டம் எதனால் நடக்கிறதோ தெரியவில்லை., ஆனால் அத்தனைக்கும் நீயே காரணமாய் இருக்கிறாய் !
நமக்குள் எத்தனை ஒற்றுமை இருப்பினும் ஒரே ஒரு விடயத்தில் என்னை வேற்றுமைப் படுத்தி விடுகிறாய் ! நான் ஆண் என்பதால் உன்னை விட நான் மேல் தான் என்று என்னும் உன் பெண்மை ! எவ்வளவோ பிடித்திருக்கிறது ! ஆனாலும் நீதான் என்னைவிட மேல்!
சோகங்களில் நான் சுருண்டு விழும் போது ஆழம் விழுதாய் எனக்குள் பரவி என்னை தாங்குகிறாய்! துன்பம் என்னுடையதென்றால் அதற்குரிய வலிகளை உன்னுடயதாய் ஆக்கிகொள்கிறாய்! என்ன பெண்ணோ நீ! பிடிச்சுருக்கு !
எப்படி என்னை பார்த்துக்கொள்வாய் என்று நான் கேட்டதற்கு , குழந்தை மாதிரி என்றாய்.!சந்தோஷம் !என் இரண்டாம் தாய் கிடைத்துவிட்டாள் !
நம் அஞ்சு விரல்களும் ஒன்றோடொன்றாய் இருக்கையில் என் கோடி துன்பங்களும் கால்தூசி ஆகிப்போகிறது !
காதலிக்கும் போது முத்தம் கொடுத்துக் கொள்வதில் தவறில்லை என்று உனக்கு நீயே நீதி சொல்லிக்கொண்டு என் உதடுகளில் உன் ஈரம் பதித்தாய் ! கள்ளி ! அப்போதே என்னைநீ முற்றிலும் வீழ்த்திவிட்டாயடி !
என் தோள்களில் நீ சாய்ந்திருக்கும் போது சட்டென எழுந்து என்னை ஒரு பார்வை பார்க்கிறாய்! ஐயோ ! எனக்கு ! வார்த்தைகள் வரவில்லையடி! ஒரு முறை உன்னை கட்டி அனைத்துக் கொள்கிறேனே! ப்ளீஸ் !
சொன்னதையே நான் மறுபடி மறுபடி சொன்னாலும் சலிக்காமல் கேட்டுக்கொண்டே இருக்கிறாய் ! சொல்பவன் நானாக இருப்பதானால் மட்டும்!
ஊரார் பார்வைக்கு நான் கார்மேகம் ! உன் பார்வைக்கு மட்டும் ஏனோ நான் வெள்ளைநிலா !
"போடா கருவாயா" என்று நீ ஒரு நாள் அழைக்காமல் இருந்தாலும் அன்றிரவு தூக்கம் கெட்டுப்போகிற காரணம் எனக்கு புரியவில்லை அதை தெரிந்துகொள்ளவே உன்னை காதலிக்க ஆசை !
உன் காது மடல்களின் கீழ் படர்ந்திருக்கும் கார்கரும்கூந்தலின் ஒட்டுமொத்த ரசிகனும் நான் மட்டும் தான் !
உன் ஒட்டுமொத்த பிடிவாதத்தையும் யாரோ ஒருவனுக்காய் விட்டுக்கொடுக்கிறாய்! அந்த யாரோ ஒருவன் நான் மட்டும் தான் என்பதை அறிந்தும் உன்னை எப்படி காதலிக்காமல் இருக்க முடியும் !
ரெண்டு நாள் உன்னோடு பேசப்போவதில்லை என்று சொல்லி தொலைபேசி அழைப்பைத் துண்டிக்கிறாய் ! ரெண்டு நொடி கடந்ததும் மறுபடி அழைத்துச் சொன்னாய் ! என்னால உன்கூட பேசாம இருக்க முடியாது பிரபா!
ஒவ்வொரு முறை உன்னைப் பார்க்கும் போதும் உன் அழகு எனக்கே தெரியாமல் என் பெருமூச்சை பரிசாகப் பெற்றுக்கொள்கிறது !
"நீயும்" வேண்டும் என்று ஆரம்பித்தது நம் உறவு ! "நீ" வேண்டும் என்று அது தொடர்ந்தது! இன்று "நீ மட்டும் " வேண்டும் என்று முடிவிற்கே வந்துவிட்டது!
வெகுநாட்கள் என்னைப் பார்க்காமல் இருந்து பின் எனைப்பார்க்கும் போது என் கைகளை இறுக்கமாகப் பிடித்துக்கொல்வாய் ! அது பிடித்துப்போனது எனக்கு!
இதழ் முத்தம் பதிக்க எத்தனையோ இடமிருந்தும் உன் நெற்றியில் நான் கொடுக்கிற முத்தத்தை ரசிப்பதாகச் சொன்னாய்!உன்னை அப்போது இன்னும் அதிகமாய் காதலித்தேன் !
இந்த நிமிடம் இறந்து நான் போனாலும் எந்தக்கவலையும் எனக்கில்லை ! என் மேல் அன்பு செய்வதற்காகவே கடவுளால் உலகிற்கு அனுப்பப்பட்ட தேவதையை நான் அடையாளம் கண்டுவிட்டேன் !
உன் அதிகாலை உளறல்களில் புதைந்து கிடக்கும் மழழை மொழி கேட்கவே ஏழு சென்மமும் உனைக் காதலிக்கலாம்!
என் வீட்டில் வீற்றிருக்கும் நிசமான நிலவே ! நீ தூங்கும் அழகினை கால்நூறு கம்பர் வந்தாலும் வர்ணிக்க முடியாதடி! பார்த்து ரசித்துக்கொண்டே இருக்கிறேன் ! பறந்து போய்க்கொண்டே இருக்கிறது நிமிஷங்கள் !
தமிழ் மொழி நிசமாகவே அமிழ்தினும் இனியது தான் ! ஆனால் அதனினும் இனியது ஒன்றிருக்கிறது ! அது "உன் தமிழ்" !
மனதிலும் மலர்கொடி உடம்பிலும், என்ன வலியோ, எதுவாய் இருந்தாலும், என் மடியில் படுத்துக்கொண்டே என் கைகளை இறுகப் பிடித்துக்கொள்கிறாய் ! உன் வலிகளை என் வருடல்கள் தீர்த்துவைக்கும் என்ற உன் எண்ணம் பிடிக்கும்!
என்னை பிடிச்சுருக்கா ? என்று கேட்டேன் ! "ம்ம்" என்றாய்! என்னைப் பார்த்துக்கொள்கிறாயா என்று கேட்டேன் ! அதற்கும் "ம்ம்" என்றாய் ! கேட்ட முதல் நொடியே என்னைப் புரிந்து கொண்டவள் நீ மட்டும் தான் அழகி!
சமைக்கத் தெரியுமா? என்று ஒருமுறை கேட்டேன் ! நீயோ அதற்குத் தானே உன்னைக் காதலிக்கிறேன் என்றாய் குறும்பாக! சமையல் தெரியாத காதலியோடு தினமும் சண்டை போட வேண்டும் என்றஎன் நெடுநாள் ஆசை இப்போது உன்னால் நிறைவேறப் போகிறதடி கிறுக்கி!
ஆயிரம் பேர் நம்மை சுற்றி இருந்தாலும் உன் ஒவ்வொரு பார்வையிலும் என்னை மட்டுமே நிறைக்கிறாய் நீ ! இது எந்த காதலனுக்கும் கிடைக்காத வரம் !
வெளியே எங்காவது செல்லும் போது வெட்கத்தை எல்லாம் எங்கோ தூக்கி எறிந்துவிட்டு என் கைகோர்த்து நடக்கிறாய்! அது பிடிக்கும்!
தவறோ ,சரியோ என் பாதைகள் தெரியவில்லை! அத்தனையிலும் என்னோடே நடந்து வருகிறாய்! அப்படி என்மேல் நீ வைத்திருக்கும் நம்பிக்கை பிடிக்கும்!
பிடிக்குமா என்னை ? என்று முதன் முதலாய்க் கேட்டேன்! பிடிக்காது என்றாய்! பதில் சொன்னவளோ என் நெஞ்சினை அப்போதே ஆக்கிரமித்துவிட்டாள் !
பிறைபோன்ற கொடிஇடையை ரசிக்க எத்தனை சென்மமிருந்தாலும் அத்தனையிலும் உன் காதலானாகவே பிறக்க வேண்டும் !
யாருக்கும் எந்தத் தீங்கும் நினைப்பதில்லை ! உன்னைத் துன்பப் படுத்துபவர்களும் நன்றாக இருக்க வேண்டும் என்று நினைக்கிறாய்! நீ என்பது நானேதான் அழகி!
என்னோடு இருக்க விரும்புகிறாய் ! இன்னும் குறிப்பாய் சொல்லப்போனால் என்னோடு மட்டும்!
நான் உன்னை காதலிக்கிறேன் ! கொஞ்சம் எனக்காக ! நிறைய உனக்காக !
இருபத்தி நான்கு மணி நேரம் பேசினாலும் அலுத்துபோகாமல் இருக்கிறது நம் தொலைபேசி உரையாடல்கள்! ஆசை பேசும் மொழி கூட சிலநேரம் சலித்துப் போகக்கூடும் ! அன்பு பேசும் மொழி எப்படி அலுத்துப்போகும் ?
எனக்குப்பிடித்த பைத்தியக்காரத் தனங்கள் அத்தனையும் உனக்கும் பிடித்திருக்கிறது!பின் எப்படி உன்னை எனக்குப்பிடிக்காமல் போகும் ?
என் எந்தஒரு செய்கையையும் நீ கேலி பேசுவதில்லை ! அது பிடித்திருக்கிறது!
என் இதயக்கப்பலை மகிழ்ச்சிக்கரைக்கு செல்ல வழிகாட்டும் ஒரே பெரிய கலங்கரை விளக்கம் நீ ! என் ஆண்மைக்கேற்ற பெண்மை!
இறுக்கமாக என் விரல்களை நீ பிடித்துக் கொள்கையில் இருவரின் வலிகளும் தெரிவதில்லை! வலிகள் பாதை தெரியாமல் எங்கோ ஓடி தொலைந்துவிட்டது ! வருடல்களில் வலியை குறைக்கும் இந்த வித்தையை யாரிடம் கற்றுக்கொண்டாய் நீ ?
அன்பு மட்டும் போதாது காதலுக்கு! நம்பிக்கை அதைவிடத்தேவை என்று சொன்னாய்! அவ்வாறே வாழ்ந்தும் காட்டினாய்! அது பிடித்திருந்தது!
என்னை சிரிக்க வைக்கும் வழியும் நீ அறிவாய்! அழவைக்கும் வழியையும் நீ மட்டுமே அறிவாய்!
திசைகள் நான்கு என்றேன்! இல்லை ஒன்றே ஒன்றுதான் என்றாய்! என்னவென்று கேட்டதுமே சட்டென சொல்கிறாய்! "உன் வழி" தான்டா கிறுக்கா" உன்னுடையது மட்டும்!
உன் தோள்களில் நான் முதலில் சாயும் போது கண்கள் நனைந்துபோனது ! கடைசி வரைக்கும் நீ நிலைக்கப் போவதில்லையே என்றெனை பயமுறுத்தியது நெஞ்சு!
எவ்வளவு பாரங்கள் இருந்தாலும் எல்லாம் தீர்ந்து இலகுவாகிறது மனம் ! உன் சிரிப்பிர்ற்கு முன்னால் மட்டும் !
உனக்கு ஏற்றவன் நான் மட்டுமே ! எனக்கு ஏற்றவள் நீ மட்டுமே!
நீயில்லாமல் நானும், நானில்லாமல் நீயும் "கம்பி அறுந்த வீணை!
எப்படி அன்பு செய்வது என்று எனக்கு பாடம் சொல்லிக் கொடுத்திருக்கிறாய்! கிறுக்கி! வாழ்கை முழுதும் உன்னிடமே படிக்க விரும்புகிறேனடி!
வேறெதற்கும் பிறக்காமல் உன்னை காதலிக்க மட்டுமே பிறந்தது போலத்தான் என் உள்ளுணர்வு பேசிக்கொள்கிறது !
தூக்கமில்லாமல் என் வளர்ச்சிக்காகவே ஒவ்வொரு விஷயத்தையும் நீ செய்கிறாய்! அது பிடித்திருக்கிறது !
எனக்குள் ஒளிந்திருக்கும் திறமைகளை வெளிக்கொணரும் தூண்டுகோல் நீ! நீ மட்டுமாய் இருக்கிறாய் !
நிமிடத்திற்கு எத்தனை தடவை துடிக்கிறதோ தெரியவில்லை என் நெஞ்சம் ! ஆனால் என் அத்துனை துடிப்பிலும் உன் நினைவுகள் கலந்திருக்கிருக்கிறது அழகி!
உன்னைப்பார்க்கும் ஒவ்வொரு நொடியிலும் என் இதயத்துடிப்பில் ஒன்று எங்கோ காணாமல் போய்விடுகிறது !
பொக்கிஷமாக்கப் படவேண்டிய நினைவுகள் என்று நான் சொல்லிக்கொள்வது உன் நினைவினை மட்டும் தான்!
என் இதய ஆழத்தில் ஒளிந்திருக்கும் உணர்வுகளை வெளிச்சம் போட்டுக் காட்டக்கூடியவள் ! நீ மட்டும் தான்!
அளக்கமுடியாத சந்தோஷங்கள் நிறைந்த வாழ்கை ! நீ வந்ததற்குப் பின் சாமி கொடுத்த வரம் ! கடவுளே வரமாய் எனக்குக் கிடைத்துவிட்டது போல இருக்கிறது !
நாளை என்ன நடக்குமோ யாமறியேன் ! ஆனால் நடந்து கொண்டிருக்கிற நிமிடங்கள் யாவும் மறக்க முடியாதவை! நீ என்னோடு இருப்பதால் மட்டும்!
சோக எழுத்துக்களை மட்டும் சுமந்துகொண்டிருந்த என் வாழ்கை பக்கங்கள் நீ வந்தது முதல் சுகங்களை மட்டும் சுமப்பது புதுமை !
வார்த்தைகளில் இல்லாமல் செயல்களிலும் சந்தோஷத்தை நிகழ்த்திக்காட்டக்கூடிய வலிமை உன்னிடம் மட்டுமே நான் அதிகம் பார்த்திருக்கிறேன்!
காதல் என்பது எவ்வளவு தூய்மையானதோ அவ்வளவு தூய்மையையும் உணர்ந்தது நீ என்னை காதலித்த போது தான்!
காதல் என்பதற்கு என்ன அர்த்தமோ அதை விட ஆழமான அர்த்தத்தினை எனக்கு நீ தெரியப்படுத்தி இருக்கிறாய் !
என் வாழ்க்கைக் கப்பலின் சிறந்த மாலுமி நீ மட்டுமே ! சோகப் புயல்களுக்கு நடுவில் நீ என்னைக் கூட்டிப்போகும் அழகினை அமைதியாய் உட்கார்ந்து கொண்டு ரசிப்பது மட்டுமே என் வேலை!
உனக்கு மிகவும் இஷ்டமான பொழுது போக்கினை என்பொருட்டு நீ மறந்து போகிறாய் ! என்னோடு இருக்க வேண்டுமென்ற ஒரே ஆசையில் !
என் இதழ் வாசலில் முதன் முதலில் சிவப்புச்சாயம் பூசியவள் நீ! நீ மட்டுமே!
எனக்கென ஒதுக்கப்பட்ட நேரம் இருக்கிறது ! அவை அத்தனையும் உனக்காகவே செலவழித்து கொண்டிருக்கிறேன் நான்! நீ என் வாழ்வில் வந்தது முதல் !
என் ஆதிமுதல் அந்தம் வரை உனக்கு அத்துப்பிடி ! ஆம்., ஏனோ உனக்கு மட்டும்!
என் ரகசிய தேசத்தின் காவலாளி நீ! உன்னைமீறி என் ரகசியங்கள் எங்கும் போவதில்லை!
நீ ! என் அழகியடி! அதனால் தான் உன்னை காதலிக்கிறேன்!
இப்படி! ஒரு நிமிட யோசனையில் நூறு காரணங்கள் எழுதும் அளவிற்கு என்னையும் ஒரு கவிஞனாக்கியது நீ மட்டும் தான் அழகி ! உன்னால் மட்டுமே இத்தனையும் நிகழ்ந்தது

இந்தக் காரணங்களை எழுதத் துணையாய் இருந்த என் அழகிக்கு இது சமர்ப்பணம் !
L o v e Y o u S o M u c h d i a z h a g i . . .

என் புன்னகை எதிரி

2010-06-17T12:29:00.002+05:30

ஒட்டுமொத்த நட்சத்திரங்களும்
என்னை நேற்றொரு புன்னகைப் போருக்கு
அழைத்திருந்தது !

அத்தனை பெரிய நிலவிற்கே
அசராத செருக்குடன்
எத்தனை பேர் வந்தாலும்
வாருங்கள் என்றேன் !

நாள்முழுதும் நீடித்த போரினில்என்
நிலைமை என்னவோ தலைகீழ் !

கோடி நிலவு வந்தாலும்

கொஞ்சம்கூட அசராத நானோஓர்

குட்டிநட்சத்திரத்தினால்

வீழ்த்தப் பட்டேன் !

என் கர்வச்சிரிப்பு அத்தனையும்
இன்றவள்
கள்ளசிரிப்பிர்க்கு முன்
மண்டியிட்டுக் கிடக்கிறது !

விண்மீன்கள் வியக்குமவள்
புன்னகை சிரிப்பை
முன்னூறு வருஷம் வாழ்ந்தாலும்
ஒருபோதும் நான் மறவேன் !

Dedicated to Bubbly's(என் புன்னகை எதிரி)smile !

முதற்பார்வையில் என் முழு வாழ்க்கையும் உன்னிடம்

2010-06-16T14:09:00.005+05:30

"ஒற்றைப் பார்வையிலும்
ஒற்றைச் சிரிப்பிலும் வந்து
விடுகிறதாமே இந்த
வீணாய்ப்போன காதல் ??"
யாருக்கிட்ட வசனம் பேசற ?
போப்பா ஏய் !!
என்று அன்று பல பேரை இப்படி
அசிங்கப் படுத்தும் போதே
தெரியாமல் போய்விட்டதே ,

இன்று ,

நானும் அந்த

'பல பேர்களுள் ஒருவன்'

ஆவேன் என்று !
-----------------------------------------------------------------------
"முதற்பார்வையிலும், முதற்சிரிப்பிலுமே,

சத்தியமாய் காதல் சாத்தியம் தான் அழகி !

உன்னை போன்ற ஒருத்தி கிடைத்து விட்டால் !

என் காதலியின் பெயர்

2010-06-10T13:27:00.005+05:30

பள்ளிக்கூடம் போகிற வழியில்

பாழடைந்த மண்டபத்தின்

தூசு படிந்த சுவற்றில் ,

ஊருக்கு மேற்கே இருக்கும்

குளத்தை ஒட்டிய

குறுகிய பாலத்தின் ஓரங்களில்,

என் சுற்றப்புறம் தென்படும்

பாறைகளிலும் , பள்ளிக்கூட சுவர்களிலும்,

இளைப்பாற மரநிழல் தேடிப்போகையில்

மணல்பரப்பின் மடியினில்

வேப்பங்குச்சியின் கிறுக்கல்களில்,!

சாமி படம் போட்டஎன் நோட்டு புத்தகங்களில்,

பிள்ளையார் சுழிக்கு பதிலாய்,

இதயம் போட்டு அம்பு விட்டு

பட்டினத்து கடற்கரை மணலில்,

என்று

எங்கெங்கோ உன் பெயரை

கிறுக்கி வைக்கும் போதே தெரியுமடி..!

உன் நியாபகார்த்தமாய் கடைசி வரை

என்னோடு நிலைக்கப் போவது

உன் பெயர் மட்டும் தான் என்று .!

ஆசையாசையாய்...!!

2010-06-05T20:04:00.001+05:30

எனக்கென்று ஆசைகள்
ஏதுமில்லை !

உன் ஆசைகளை தீர்த்து வைப்பதே
என் ஆசையாய் இருந்தது !

ஒரு முறை "நான் வேண்டாம்" என்று

ஆசையாசையாய் கேட்டாய் !

வேண்டியதை மட்டுமே கொடுத்து
பழக்க பட்ட எனக்கு , நீ
வேண்டாததையும் கொடுக்க
வேண்டிய நிலை வரவும்

ஏது செய்வதெனத் தெரியாமல்
ஒரு நிமிடம் நின்று யோசித்தேன் !

வியர்வையில் நனைந்து போன
முகத்தை துடைத்துக்கொண்டு
வேகவேகமாய் வீட்டுக்கு நடந்தேன்!

வழக்கம் போல இப்போதும்
உனக்குப் பிடித்ததைத் தானே செய்தேன் ?

பின் ஏன் எப்போதும் சிரிக்கிற
என் இதழ்களும் இமைகளும்
இன்று மௌனம் சாதிக்கிறது.!?

யார் என்னிடம் எது கேட்டாலும்
எரிந்து விழுகிற நான்
நீ கேட்டால் மட்டும்
எல்லாவற்றையும் கொடுத்து
விடுகிறேனென்று பொறாமையில்
அழுகிறது என் கண்கள்!

பாவம் அதற்கொன்றும் தெரியாது
எனக்காக அதை மன்னித்து விடு அழகி !

- Dedicated to my azhagi

எதிர்கால வியூகம்

2010-06-02T22:42:00.001+05:30

மொட்டைமாடித் திட்டில் என்
முழு உடற் பதித்துப் படுத்திருக்கிற
வேலை இது !
வழக்கம் போலவே இன்றும்
என்னை வெறித்துப்
பார்த்துக்கொண்டே இருக்கிறது

வெள்ளைநிலா!

இன்று என்ன கவிதை எழுதி

என்னை அசிங்கப் படுத்தப்போகிறாய்

என்பது போல் சிலநேரம்

சிவந்து போகிறது கோபத்தில்!

"ச்ச்சீ போ வெள்ளைவட்டமே!"
என்று நானும் முகம் திருப்பிக்கொண்டேன்!
இடப்பக்கம் சுற்றிக்கொண்டிருந்த நிலவு ,
வலப்பக்கச் சுவற்றில்
என் அமைதி நிலையை
கருப்பு நிழலாய் வெளிச்சம்
போட்டுக் காட்டிக்கொண்டிருந்தது !
செத்தவன் எப்படி படுத்திருப்பானோ
அப்படி ஒரு தோற்றமாய் இருந்தது
அந்நிழல் ! நல்லது !

நாளை நான் உன் வார்த்தைகளால்

கொள்ளப்பட்டு சாகும் போது

ஒரு வேலை இப்படித்தான் படுத்திருப்பேனோ ?!!

நீ இல்லாத நொடிகளில்

2010-06-02T22:02:00.004+05:30

நீ இல்லாத நொடிகளில்

நெருப்பாய் வேகிறது

என் இதயச்சுவர்கள் !

இளைப்பாற உன் தோள்கள்

தாராயோ ?

நாய் வாங்கிய ரகசியம்

2010-05-30T19:41:00.001+05:30

தேதி எல்லாம் தெரியவில்லை
தெரிந்தது இதுதான் !
அது ஒரு மாலை நேரம் !

மழை மேகமெல்லாம் ஒன்றுமில்லை !
அனல் வெயில் கொஞ்சம்.!

நடக்கிறாயோ? தவழ்கிறாயோ ?
ஒரே வியப்பு.!
அப்படித்தான் கானல் நீர் போல்
பட்டும் படாமலும் தரையில் கால்பதித்து
நடந்து சென்றாய் என் கண் முன்!

வழியில் குறுக்கிட்ட
நாய்க்குட்டியைப் பார்த்ததும் மனதில்
ஒளித்து வைத்திருந்த பயத்தையெல்லாம்
அவிழ்த்து விடுகிறாய் ஒரே அடியாய்!

நொடி ஒன்றும் தாமதிக்கவில்லை !
ஓடி வந்து என் பின் ஒளிந்து கொண்டாய்!

உன் இரு கைகளும் என் அஞ்சு விரல்களில்
தஞ்சம் கொண்டு விட்டது .!

(வந்தது நாயல்ல அழகி !

நான் வணங்கும் சாமி தான் அது!)

நாட்கள் கொஞ்சம் போனது!
உன் வீட்டில் நீ இருந்த நேரம் போய்
இன்று நம் வீட்டில் நாம் இருக்கிறோம்!
ஆம்!

காதலித்துக் கொஞ்சியது பத்தாமல்

கைபிடித்துக் கூட்டியே வந்து விட்டேன் !

உன்னை என் மனைவியாய்!

வீட்டின் ஒவ்வொரு இடத்தையும் நான்
உனக்கு பிடித்தவைகளாய்
மாற்றிக்கொண்டிருந்த நேரம் அது!

ஒன்றே ஒன்றை மட்டும் உனக்குப்

பிடிக்காதென்று தெரிந்திருந்தும்

வேண்டுமென்றே செய்தேன்!

தொலைபேசி விளம்பரம் என் ஆசையை
நாய்குட்டியிடம் கூட்டி சென்றது !
கரடி மாதிரி ஒரு நாய் வாங்கி வந்து
வீட்டு வாசலில் கட்டி வைத்தேன்!!

அன்று முதல்,

உனக்கு பிடிக்காத விஷயங்களில்

நாயுடன் நானும் சேர்ந்து கொண்டேன் !

ஒரு வாரத்துக்கு பின்
நிலைமை பழமைக்கு மாறிவிட்டது !

ஒவ்வொரு முறை நீ
வாசற்படியைக் கடக்கும் போதும்
குறைத்து தள்ளுகிற நாய்குட்டிக்கு பயந்து
என் நெஞ்சில் வந்து
சாய்ந்து கொள்கிறாய் நீ !

இப்போது புரிந்திருக்குமே !

நான் நாய் வாங்கிய ரகசியம்..??!!!!!

தாயைவிட மேலானவன்- இவன் தன்னிகரில்லா என்னுயிர்- நண்பன்

2010-04-30T03:50:00.011+05:30

இருவரின் உணர்ச்சிகள்

ஒருமிக்கும் இடத்தில்

வாழ்கிறது காதல் !

இருவரின் உணர்வுகள்

ஒருமிக்கும் இடத்தினில்

நட்பு வாழ்கிறது !!

தாயின் கருவறை

தவிர வேறு எங்காவது

பிறந்துகொள்ள வழி இருந்தால்

உன் இதயத்தில் பிறப்பேன்

நண்பா..!!

கல்லறை தவிர வேறு

எங்காவது புதைக்க

மனிதன் அனுமதித்தால் ,

உன்காலடி சுவடுகளின்

கீழே புதைவேனடா..!!

மண்ணுக்குள் விதைபோல

மனதிற்குள் நட்பு !!

பெண்ணுக்குள் தேடினேன் -

அதை சதை உணர்ச்சி

என்றார்கள்..!!

உனக்குள் தேடுகிறேன்!!

இன்று எவர் தூற்றக்கூடும்

நம் உறவை .?

வயது புரிந்ததும்

வாழ்க்கையும் பெண்களும்

பிடித்திருந்தது !!

வாழ்க்கை புரிந்ததும்

உன்னையும் நட்பையும் தானே

ரசிக்க தோன்றியது !!

சட்டைப்பை கனத்தை கண்டால்

கட்டியணைக்கும் சொந்தங்கள்

மத்தியில்,

சட்டையே அணியக்கூட

வசதி இல்லாத போதும்

என்னோடு நீயிருந்தாய் !!

அன்று உன் நட்பு யாவும் என்

கற்பைக் கவர்ந்தது !!

"காதலியின் மடியினில் சாவேன் !"

என்றெல்லாம் நான் , கவிதை எழுதிய

காலம் மலையேறிவிட்டது.. !!

உன் தோள்களை நீ

தரமாட்டேன் என்றா

சொல்லிவிடப் போகிறாய் ..??

-என் நெஞ்சுத்துடிப்பாய் நிலைத்திருக்கும்

அத்துனை நண்பனுக்கும் சமர்ப்பணம் !

"Dedicated to all my friends" "LOVE YOU ALL DA"

இதழ் ஈரத்தில் இப்படியும் !!

2010-04-30T03:13:00.003+05:30

காட்டுத்தீயாய் எறிந்திடும்

கோபக்கனலை,

அனைத்திடக்கூடுமோ.,

ஒருசொட்டுநீர்..??

அனைத்துவிட்டதே அழகி!

நீ அப்பிவிட்டுப் போன உன்

இதழ் முத்த ஈரம்

காதல் - ஒரு விபரீத விளையாட்டு

2010-04-30T03:01:00.004+05:30

எமனும் நானம்
விளையாடிய
வாழ்க்கை
பரமபதத்தில்,

என்னை தோற்கடிக்க
அவன் உருட்டிய
பகடைக்காய்

உன் சிரிப்பு ..!!